मोहाली, भारत विरुद्ध ऑस्ट्रेलिया : चौथ्या एकदिवसीय सामन्यात रोहित शर्मा आणि शिखर धवन यांनी दमदार फलंदाजी केली. या दोघांनी 193 धावांची सलामीही दिली. पण जी गोष्ट जसप्रीत बुमराने केली ती कोणालाच करता आला नाही. त्यामुळेच जेव्हा बुमराने षटकार ठोकला तेव्हा कर्णधार विराट कोहली हसतच सुटला.
हा पाहा व्हीडीओ
बुमरा जेव्हा फलंदाजीला आला तेव्हा फक्त एकच चेंडू बाकी होता. त्यावेळी बुमराने आपल्या पहिल्याच चेंडूवर षटकार लगावला. हा षटकार कोहलीने पेव्हेलियनमध्ये असताना पाहिला आणि तो हसतट सुटल्याचे पाहायला मिळाले.
आतापर्यंतच्या तिन्ही सामन्यांमध्ये शिखर धवन आणि रोहित शर्मा यांची बॅट जास्त बोलली नव्हती. पण ऑस्ट्रेलियाविरुद्धच्या चौथ्या सामन्यामध्ये धवन आणि रोहित यांच्या फटकबाजीचा धुमधडाका पाहायला मिळाला. या दोघांच्या 193 धावांच्या सलामीच्या जोरावर भारताने प्रथम फलंदाजी करताना 358 धावा केल्या.
भारत विरुद्ध ऑस्ट्रेलिया यांच्यातील चौथ्या एकदिवसीय सामन्यात भारताने नाणेफेक जिंकून प्रथम फलंदाजी करण्याचा निर्णय घेतला. रोहित आणि धवन यांनी यावेळी संयत फलंदाजी केली. सुरुवातीला रोहितपेक्षा धवन हा आक्रमकपणे खेळत होता. पण स्थिरस्थावर झाल्यावर रोहितने आपल्या नेत्रदीपक फटक्यांनी धावगती वाढवली. रोहित आता शतक झळकावणार असे वाटत असतानाच त्याला रिचर्ड्सनने बाद केले. रोहितने 92 चेंडूंत सात चौकार आणि दोन षटकारांच्या जोरावर 95 धावा केल्या. रोहित बाद झाल्यावरही धवनने आपली फटकेबाजी कायम ठेवली आणि वनडेमधील 16वे शतक झळकावले. धवनने यावेळी 115 चेंडूंत 18 चौकार आणि तीन षटकारांच्या जोरावर 143 धावांची धडाकेबाज खेळी साकारली.
हिट मॅन रोहित शर्माने चौथ्या एकदिवसीय सामन्यात 95 धावांची दमदार खेळी साकारली. या 95 धावा करताना रोहितने भारताचा माजी कर्णधार महेंद्रसिंग धोनीला पिछाडीवर टाकले आहे.
रोहितला हिट मॅन म्हटले जाते. कारण स्थिरस्थावर झाल्यावर तो भन्नाट फलंदाजी करतो. रोहितचे षटकार तर पाहण्यासारखे असतात. रोहितच्या षटकारांमध्ये अचूक टायमिंग असते. या सामन्यातही रोहितने दोन षटकार लगावले आणि धोनीचा विक्रम मोडीत काढला आहे. यापूर्वी एकदिवसीय क्रिकेटमध्ये धोनीच्या नावावर 217 षटकार होता. या सामन्यात रोहितने दोन षटकार लगावले आणि धोनीला मागे टाकले. कारण आता रोहितच्या नावावर 218 षटकार झाले आहेत.
भारताकडून सर्वाधिक षटकार फटकावणारे फलंदाज:
218 रोहित शर्मा (63*)
217 महेंद्रसिंग धोनी
195 सचिन तेंडुलकर
189 सौरव गांगुली
153 युवराज सिंग
131 वीरेंद्र सेहवाग
Web Title: India vs Australia 4th ODI: jasprit bumrah hit sixe and virat Kohli laughs
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
