सिडनी, भारत विरुद्ध ऑस्ट्रेलिया : यजमान ऑस्ट्रेलियाने पहिल्या ट्वेंटी-20 सामन्यात भारताला चार धावांनी पराभूत करताना दौऱ्याची दणक्यात सुरुवात केली. तीन सामन्यांच्या मालिकेत कांगारूंनी 1-0 अशी आघाडी घेतली आणि पुढील सामन्यांसाठी त्यांचे मनोबल उंचावले आहे. ट्वेंटी-20 मालिकेनंतर होणाऱ्या कसोटी मालिकेची तयारीही ऑस्ट्रेलियाच्या संघाने सुरू केली आहे. चार सामन्यांच्या कसोटी मालिकेतील पहिल्या दोन सामन्यांसाठी ऑस्ट्रेलियाने संघ जाहीर केला आहे. स्टीव्हन स्मिथ आणि डेव्हिड वॉर्नर यांच्या परतीचे मार्ग बंद झाल्यानंतर ऑस्ट्रेलियाने आणखी एक प्रमुख अस्त्र समोर आणले आहे. त्यामुळे भारतीय संघाचे टेंशन वाढले आहे.
व्हिक्टोरीया क्लबचे प्रतिनिधित्व करणाऱ्या हॅरिसने शेफिल्ड शिल्ड क्रिकेट स्पर्धेत 250 धावांची नाबाद खेळी करून निडव समितिचे लक्ष वेधले. त्याने 87.40 च्या सरासरीने धावा कुटल्या आहेत. ''या संघात युवा फलंदाज व गोलंदाजांना संधी देण्यात आली आहे. त्यांनी शेफिल्ड शिल्डमध्ये चमकदार कामगिरी केलेली आहे. कसोटी सामन्यासाठी आम्ही अंतिम 12 जणांची निवड करणार आहोत. उर्वरित दोन खेळाडूंना शेफिल्ड शिल्ड स्पर्धेत खेळण्याची परवानगी दिली जाईल,'' असे निवड समितीच्या ट्रॅव्हर होन्स यांनी सांगितले.
पाकिस्तानविरुद्धच्या दुसऱ्या कसोटीत दुखापत झाल्यामुळे ख्वाजाची भारताविरुद्ध खेळण्याची शक्यता कमी होती, परंतु त्याने कमबॅक केले. त्याच्या समावेशामुळे ऑस्ट्रेलिया संघाला धीर मिळाला आहे.