India vs Australia, 1st T20I : लोकेश राहुलनं ( KL Rahul) ट्वेंटी-20 क्रिकेटमधील फॉर्म कायम राखताना अर्धशतकी खेळ केली आणि रवींद्र जडेजानं ( Ravindra Jadeja) अखेरच्या षटकात फटकेबाजी करून टीम इंडियाला समाधानकारक पल्ला गाठून दिला. जडेजानं २३ चेंडूंत नाबाद ४४ धावा करताना महेंद्रसिंग धोनीचा २०१२सालचा विक्रम मोडला. फलंदाजी दरम्यान जडेजाला हॅमस्ट्रिंगच्या दुखापतीनं ग्रस्त केलं होते, तरीही त्यानं फलंदाजी केली. पण, क्षेत्ररक्षणाला त्याच्या जागी युजवेंद्र चहल मैदानावर उतरला आणि जडेजाच्या वाट्याचे चार षटकं चहल टाकणार आहे.
प्रथम फलंदाजीला आलेल्या भारतीय संघाला साजेशी सुरुवात करता आली नाही. शिखर धवन ( १) आणि विराट कोहली ( ९) स्वस्तात माघारी परतले. संजू सॅमसन १५ चेंडूंत २३ धावा करून माघारी परतला. वन डे मालिकेत बाकावरच बसलेल्या मनीष पांडेला आज संधी मिळाली, परंतु तो अवघे दोन धावा करून माघारी परतला. लोकेश ४० चेंडूंत ५ चौकार व १ षटकार मारून ५१ धावांवर माघारी परतला. हार्दिकनं काही अफलातून फटके मारले, परंतु त्याला १६ धावांवर माघारी जावं लागलं. मोइजेस हेन्रीक्सनं ४-०-२२-३ अशी कामगिरी केली. जडेजानं २३ चेंडूंत ५ चौकार व १ षटकारासह नाबाद ४४ धावा केल्या, टीम इंडियानं ७ बाद १६१ धावा केल्या.
सामन्याच्या अखेरच्या षटकात जडेजाच्या हेल्मेटला चेंडू आदळला आणि आयसीसीच्या नियमानुसार खेळाडू मैदानावर जखमी झाल्यास त्याच्या जागी बदली खेळाडू मैदानावर उतरू शकतो. तो गोलंदाजी किंवा फलंदाजीही करू शकतो. या नियमानुसार चहल आता गोलंदाजी करणार आहे. ऑस्ट्रेलियाचे प्रशिक्षक जस्टीन लँगर यांनी या निर्णयावर नाराजी व्यक्त केली.
Web Title: India vs Australia : Yuzvendra Chahal is the concussion substitute for Ravindra Jadeja, Chahal can bowl in place of Jadeja now
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
