India vs England 1st Test Live : टीम इंडियानं घेतली आघाडी; लोकेश राहुलची एकाकी झुंज, रवींद्र जडेजाची रेकॉर्ड तोड कामगिरी!

India vs England 1st Test Live Cricket Score : इंग्लंडविरुद्धच्या पहिल्या कसोटीत टीम इंडियानं मजबूत पकड घेतली आहे. इंग्लंडचा पहिला डाव १८३ धावांवर गुंडाळल्यानंतर भारतानं आघाडी घेण्यात यश मिळवले. विराट कोहली, अजिंक्य रहाणे, चेतेश्वर पुजारा हे प्रमुख खेळाडू अपयशी ठरले, परंतु लोकेश राहुलनं एकाकी झुंज देत इंग्लंडच्या गोलंदाजांचा सामना केला. भारतीय संघानं पहिल्या डावात आघाडी घेतली असून रवींद्र जडेजानं रेकॉर्ड तोड कामगिरीची नोंद केली आहे. TeamIndia have now taken the lead. दुसऱ्या दिवसाचा बराचसा खेळ पावसामुळे वाया गेला. तिसऱ्या दिवसाचा खेळ दुपारी ३.३० वाजता सुरू झाला, परंतु ११ चेंडू टाकल्यानंतर पावसाच्या आगमनामुळे सामना पुन्हा थांबवण्यात आला.  भारतीय गोलंदाजांनी यजमानांचा पहिला डाव १८३ धावांवर गुंडाळल्यानंतर रोहित व लोकेश यांनी संघाला चांगली सुरुवात करून दिली. पण, जेम्स अँडरसनच्या एका षटकानं टीम इंडियाच्या गोटात भीतीचा गोळा टाकला. उप कर्णधार अजिंक्य रहाणे पुन्हा अपयशी ठरला अन् आता टीम इंडियाची भिस्त लोकेश व रिषभ पंत यांच्यावर आहे. चेतेश्वर पुजारा ( ४)ला यष्टिरक्षक जोस बटलरकरवी बाद केल्यानंतर कर्णधार विराटलाही त्यानं गोल्डन डकवर माघारी जाण्यास भाग पाडले. अजिंक्य रहाणे (५)  धावबाद होऊन माघारी परतला.  Ind vs Eng 1st Test live, Eng vs ind 1st test live score

लोकेशने पाचव्या विकेटसाठी रिषभ पंतसह ३३ धावा जोडल्या, परंतु ऑली रॉबिन्सननं रिषभला ( २५) बाद केले. त्यानंतर रवींद्र जडेजानं लोकेशला साथ दिली आहे. कसोटीत २०००+ धावा आणि २०० विकेट्स घेण्याचा मान जडेजानं पटकावला.  ( Indian players to complete the double of 200 wickets and 2000 runs in Tests) कपिल देव, आर अश्विन, अनील कुंबळे व हरभजन सिंग यांच्यानंतर असा पराक्रम करणारा तो पाचवा भारतीय खेळाडू ठरला.  Eng vs Ind 1st test live score board, Ind vs End 1st test match live