लॉर्ड्स - भारत आणि इंग्लंड यांच्यातील दुसऱ्या कसोटीत ४ बाद ८९ अशा अवस्थेत सापडलेल्या इंग्लंड संघासाठी जॉनी बेअरस्टो आणि ख्रिस वोक्स ही जोडी धावून आली. त्यांनी तुफान खेळी करताना लॉर्ड्स कसोटीत भारताच्या गोलंदाजीची चांगलीच धुलाई केली. बेअरस्टोचे शतक सात धावांनी हुकले असले तरी ती कसर वोक्सने भरून काढली. वोक्सने कसोटी कारकिर्दीतले पहिले शतक झळकावले आणि लॉर्ड्सच्या ऑनर बोर्डावर स्वतःचे नाव नोंदवले.
गोलंदाजी आणि फलंदाजी अशा दोन्ही आघाडीवर लॉर्ड्स ऑनर बोर्डावर नाव नोंदवणारा वोक्स दहावा खेळाडू ठरला. लॉर्ड्सवर शतक आणि पाच विकेट घेण्याचा पराक्रम करणारा वोक्स दहावा खेळाडू ठरला. इंग्लंडच्या सात खेळाडूना अशी कामगिरी करता आली आहे. दोन वर्षांपूर्वी पाकिस्तानविरुद्ध लॉर्ड्स येथे झालेल्या कसोटीत त्याने दोन्ही डावांत प्रत्येकी पाच विकेट घेतल्या होत्या. नऊ कसोटी सामन्यांत असे विक्रम नोंदवले गेले,तर सर गॅरी सोबर्स यांनी जागतिक एकादश संघाचे प्रतिनिधित्व करताना इंग्लंडविरुद्ध पाच विकेट घेतल्या होत्या.
लॉर्ड्सवर दहा विकेट आणि शतक झळकावणारा तो पाचवा खेळाडू आहे. यापूर्वी हा विक्रम गब्बी ॲलन, कैथ मिलर, इयान बोथम आणि स्टुअर्ट ब्रॉड यांच्या नावे आहे. पाच विकेट आणि शतक या विक्रमात त्याने अँड्य्रू फ्लिंटॉफ, रे इलिंग्वर्थ, कैथ मिलर, बेन स्टोक्स आणि विनू मंकड यांच्याशी बरोबरी केली. लॉर्ड्सच्या खेळपट्टीवर वोक्सने नेहमीच कमाल केली आहे. फलंदाजीत त्याने शंभरहून अधिक सरासरीने धावा केल्या आहेत, तर गोलंदाजीत दहापेक्षा कमी सरासरी ठेवली आहे. अशी कामगिरी करणारा तो एकमेव खेळाडू आहे. येथे खेळलेल्या तीन सामन्यांत त्याने १२२च्या सरासरीने २४४ धावा केल्या आहेत आणि ९.३३ च्या सरासरीने १६ विकेट घेतल्या आहेत.
Web Title: India vs England 2nd Test: Chris Woakes's first century and record
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
