india vs England 2021 3rd test match live cricket score : धावांच्या डोंगरापेक्षा तीन दिवस खेळपट्टीवर टिकून राहणे, हे टीम इंडियासमोर खरे लक्ष्य होते. इंग्लंडनं पहिल्या डावात ३५४ धावांची आघाडी घेत त्यांची बाजू मजबूत केली होती. त्यांच्या गोलंदाजांना फक्त लाइन लेन्थवर मारा करून टीम इंडियाच्या फलंदाजांना चूक करण्यास भाग पाडायचे होते. तिसऱ्या दिवशी खेळपट्टीनं त्यांना फार साथ दिली नाही, परंतु चौथ्या दिवसाच्या पहिल्या दीड तासांच्या खेळात भारताच्या फलंदाजांनी चूकांचे सत्र सुरू केले. ऑली रॉबिन्सननं त्याचाच फायदा उचलताना पाच महत्त्वाच्या विकेट्स घेतल्या. २ बाद २१५ धावांवरून टीम इंडियाची घसरगुंडी सुरू झाली अन् ४२ धावांत ६ फलंदाजांनी तंबूची वाट धरली. त्यापैकी पाच फलंदाज हे अवघ्या २० धावांत माघारी परतले. India vs England 3rd Test Live, India vs England 3rd Test
लिड्स कसोटीच्या तिसऱ्या दिवशी टीम इंडियाच्या फलंदाजांनी वर्चस्व गाजवलेलं पाहायला मिळालं. कोणतीच घाई न करता संयमानं खेळ करत भारतीय संघानी इंग्लंडला उत्तर दिले आहे. रोहित शर्मा व चेतेश्वर पुजारा यांनी वैयक्तिक अर्धशतक झळकावून भारताच्या धावसंख्येत भर घातली. रोहित व चेतश्वर पुजारा या जोडीनं दुसऱ्या विकेटसाठी ८२ धावांची भागीदारी केली. रोहित १५६ चेंडूंत ७ चौकार व १ षटकारांसह ५९ धावांवर माघारी परतला. चेतेश्वरचा परतलेला फॉर्म हा टीम इंडियासाठी सर्वात मोठा पॉझिटिव्ह पॉईंट ठरला. कर्णधार विराट कोहलीनंही संयमी खेळ करताना पुजाराला उत्तम साथ दिली. तिसऱ्या दिवसाचा खेळ संपला तेव्हा भारताच्या २ बाद २१५ धावा झाल्या होत्या. Eng vs Ind 3rd test live score board, Ind vs End 3rd test match live
चौथ्या दिवसाच पुजारा व कोहली दोघंही सावध पवित्र्यातच दिसले, परंतु ऑली रॉबिन्सनचा आता येणारा चेंडू सोडण्याचा पुजाराचा डाव फसला. मैदानावरील पंचांनी त्याला नाबाद दिले, परंतु कर्णधार जो रूटनं विलंब न करता लगेच DRS घेतला. लिड्सच्या मोठ्या स्क्रीनवर जेव्हा चेंडू स्टम्प्सवर आदळताता पाहताच इंग्लंडच्या खेळाडूंनी मोठा जल्लोष केला. पुजाराला चौथ्या दिवसाच्या खेळात एकही धाव करता आली नाही. १८९ चेंडूंत १५ चौकारांसह तो ९१ धावांवर माघारी परतला. कोहली व उपकर्णधार अजिंक्य रहाणे यांच्या खांद्यावर मोठी जबाबदीर होती. Ind vs Eng 3rd Test live, Eng vs ind 3rd test live score कोहलीनं अर्धशतक पूर्ण केले, पण रॉबिन्सन यानं त्यालाही चालतं केलं. कोहली १२५ चेंडूंत ५५ धावांवर गेला. त्यानंतर जेम्स अँडरसननं टीम इंडियाला मोठा धक्का देताना रहाणेला ( १०) बाद केलं. रॉबिन्सनची गाडी सुसाट सुटली अन् रिषभ पंतला ( १) बाद करून त्यानं विकेट्सचा चौकार खेचला. भारतानं २४ धावांत चार फलंदाज गमावले. रूटनं गोलंदाजीत बदल करताना चेंडू मोईन अलीच्या हाती सोपवला अन् त्याचा हा डाव यशस्वी ठरला. अलीनं मोहम्मद शमीचा ( ६) त्रिफळा उडवून टीम इंडियाचा पाय आणखी खोलात टाकला. ( From 215-2 to 254-7 - A Indian collapse on Day 4 at Headingley.) रॉबिन्सननं डावातील पाचवी विकेट घेताना इशांत शर्माला ( २) झेलबाद केले. कसोटी क्रिकेटमधील त्यानं दुसऱ्यांदा पाच विकेट्स घेतल्या ( Ollie Robinson bags his second fifer in Test). २ बाद २१५ वरून भारताची अवस्था ८ बाद २५७ अशी झाली. विराटची विकेट २३७ धावा असताना पडली अन् त्यानंतर २० धावांत पाच फलंदाज बाद झाले. Eng vs Ind 3rd test live score board, Ind vs End 3rd test match live