India vs England 4th Test Live Update Marathi News : भारत-इंग्लंड यांच्यातला चौथा कसोटी सामना रांची येथे खेळवला जात आहे. दोन सामन्यानंतर इंग्लंडने आज नाणेफेक जिंकली आणि प्रथम फलंदाजी करण्याचा निर्णय घेतला. ही कसोटी मालिका सतत चर्चेत राहिली आहे ती खेळाडूंच्या माघार घेण्यामुळे. पहिल्या दोन कसोटीत संघात नाव असताना विराट कोहलीने वैयक्तिक कारण सांगून माघार घेतली आणि तो आता संपूर्ण मालिकेचाच भाग नाही. राजकोट कसोटीच्या तिसऱ्या दिवशी आर अश्विनने आईची प्रकृती गंभीर असल्याने घरी जाण्याचा निर्णय घेतला आणि ४८ तासानंतर तो पुन्हा मैदानावर उतरला. आता चौथ्या कसोटीपूर्वी आणखी एक खेळाडू मायदेशी परतला आहे.
इंग्लंडचा लेग स्पिनर रेहान अहमद ( Rehan ahmed) या वैयक्तिक कारणामुळे घरी परतला आहे आणि तो चौथ्या कसोटीसाठी उपलब्ध नाही. तो परत भारतात येणार नसल्याचे इंग्लंड क्रिकेट बोर्डाने स्पष्ट केले आहे. इंग्लंडनेही त्याला रिप्लेसमेंट जाहीर न करण्याचा निर्णय घेतला आहे. त्याच्या माघारीमागचं नेमकं कारण समजलेलं नाही.
भारतीय संघ - रोहित शर्मा, यशस्वी जयस्वाल, शुभमन गिल, रजत पाटीदार, सरफराज खान, ध्रुव जुरेल, रवींद्र जडेजा, रविचंद्रन अश्विन, कुलदीप यादव, मोहम्मद सिराज, आकाश दीप.
इंग्लंडचा संघ - झॅक क्रॉली, बेन डकेट, ओली पोप, जो रूट, बेन स्टोक्स (कर्णधार), जॉनी बेअरस्टो, बेन फोक्स, टॉम हार्टली, ओली रॉबिन्सन, शोएब बशीर, जेम्स अँडरसन
Web Title: India vs England 4th Test Live Update : Rehan Ahmed opted out of the India tour due to personal reasons, Flies home today. England won’t be sending for a replacement.
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
