बर्मिंगहॅम, आयसीसी वर्ल्ड कप 2019 : भारतीय संघ विजयी मालिका कायम राखत उपांत्य फेरीतील स्थान निश्चित करण्याच्या निर्धारानं आज मैदानावर उतरणार आहे. त्यांच्यासमोर यजमान इंग्लंड कडवे आव्हान उभे करण्याची शक्यता आहे. इंग्लंडला आपले आव्हान कायम राखण्यासाठी उर्वरित दोन्ही सामने जिंकणे आवश्यक असल्याने ते आज भारतीय संघासमोर खडतर आव्हान उभे करू शकतील. पण, भारतीय संघ अजूनही चौथ्या क्रमांकाचा तिढा सोडवू शकलेला नाही. विजय शंकरला संधी मिळाली, पण त्यानंही स्थान पक्क होईल अशी कामगिरी केलेली नाही. त्यामुळे इंग्लंडविरुद्धच्या सामन्यात त्याला बाकावर बसवले जाण्याची शक्यता वर्तवण्यात येत आहे.
![]()
विजय शंकरचा विश्रांती देण्याचा निर्णय झाल्यास कर्णधार विराट कोहलीसमोर रिषभ पंत व दिनेश कार्तिक हे दोन पर्याय उपलब्ध असतील. पण, विजयी संघात बदल करण्याचा निर्णय कोहली घेण्याची शक्यता फार कमीच आहे. तसे झाल्यास दिनेश कार्तिकचे पारडे जड मानले जात आहे. बर्मिंगहॅम येथे 2013 ते 2017 या कालावधीत भारतीय संघाने पाच वन डे सामने जिंकले आहेत. त्यामुळे भारताचे पारडे जड मानले जात असले तरी मधल्या फळीचे अपयश ही संघासाठी डोकेदुखी ठरली आहे.
गोलंदाजीत बदल होण्याची शक्यता कमीच आहे. भुवनेश्वर कुमारच्या अनुपस्थितीत मिळालेल्या संधीचं सोनं करताना मोहम्मद शमीनं आपले स्थान मजबूत केले आहे. त्याचा फॉर्म पाहता त्याला संघाबाहेर बसवण्याचा निर्णय कोहली घेणार ऩाही. अशाच भुवनेश्वर कुमारला विश्रांती देण्याचाच पर्याय निवडला जाईल. युजवेंद्र चहल व कुलदीप यादव हे संघात कायम राहतील.
संभाव्य संघ
भारत - रोहित शर्मा, लोकेश राहुल, विराट कोहली, विजय शंकर/दिनेश कार्तिक, महेंद्रसिंग धोनी, केदार जाधव, हार्दिक पांड्या, मोहम्मद शमी, कुलदीप यादव, युजवेंद्र चहल, जसप्रीत बुमराह
इंग्लंड - जेसन रॉय, जॉनी बेअरस्टो, जो रूट, इयॉन मॉर्गन, बेन स्टोक्स, जोस बटलर, मोईन अली, टॉम कुराण/जोफ्रा आर्चर, आदील रशीद, ख्रिस वोक्स, मार्क वूड.
Web Title: India vs England, Latest News, ICC World Cup : Will Vijay Shankar keep his place in lineup?
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
