ठळक मुद्दे2007मध्ये इंग्लंडमध्ये भारताने कसोटी मालिका जिंकली होती. त्यानंतर गेल्या अकरा वर्षांत भारताला इंग्लंडमध्ये एकही कसोटी मालिक जिंकता आलेली नाही.
नवी दिल्ली : भारतासाठी इंग्लंडचा दौरा नेहमीच खडतर राहीलेला आहे. कारण यापूर्वी भारताने इंग्लंडमध्ये 17 कसोटी मालिक खेळल्या आहेत. पण या 17 पैकी भारताला फक्त तीन मालिकाच जिंकत्या आल्या आहेत. या 17 पैकी 13 मालिका जिंकत इंग्लंडने मायदेशात नेहमीच वरचष्मा गाजवला आहे.
भारताने 1932 साली इंग्लंडचा पहिला दौरा केला होता. पण भारताला इंग्लंडमध्ये 1971 साली पहिल्यांदा कसोटी मालिका जिंकता आली होती. अजित वाडेकर यांच्या नेतृत्त्वाखाली भारताने 1971 साली 1-0 अशी कसोटी मालिका जिंकली होती. ही कसोटी मालिका तीन सामन्यांची होती. या मालिकेत दोन सामने अनिर्णित राहिले आणि एक सामना भारताने जिंकला होता.
भारताने इंग्लंडमध्ये दुसरा मालिका विजय मिळवला होता तो 1986 साली. या संघात सुनील गावस्कर, कपिल देव या दिग्गज खेळाडूंचा समावेश होता. या दौऱ्यातील पहिले दोन सामने भारताने जिंकले होते आणि एक सामना अनिर्णित राहिला होता. भारताने इंग्लंडमध्ये तिसरा आणि अखेरचा मालिका विजय मिळवला तो 2007 साली. यावेळी भारताने कसोटी मालिकेत 1-0 असा विजय मिळवला होता. 2007मध्ये इंग्लंडमध्ये भारताने कसोटी मालिका जिंकली होती. त्यानंतर गेल्या अकरा वर्षांत भारताला इंग्लंडमध्ये एकही कसोटी मालिक जिंकता आलेली नाही.
Web Title: India vs England Test: Only three Test series won by India in 85 years in England
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
