माऊंट मोनगानुई, भारत विरुद्ध न्यूझीलंड : भारतीय संघात कुलदीप यादव आणि युजवेंद्र चहल या जोडीने आपले स्थान पक्के केले आहे. भारताला वन डे व ट्वेंटी-20 प्रकारात उत्तम फिरकीपटू म्हणून या दोघांनी उत्तम पर्याय दिला आहे. या दोघांनी न्यूझीलंड दौऱ्यातली आपल्या फिरकीच्या तालावर किवी फलंदाजांना नाचवले आहे. त्यांनी आतापर्यंत तीन वन डे सामन्यांत 13 विकेट घेतल्या आहेत. तिसऱ्या सामन्यातील चहलने घेतलेली विकेट ही या जोडीसाठी विक्रमी ठरली. कुलदीप व चहल यांनी या विकेटसह शतक साजरे केले आहे. या दोघांनी 26 वन डे सामन्यांत 21.6च्या सरासरीने 100 विकेट घेण्याचा विक्रम केला आहे.
केनची ही विकेट कुलदीप व चहल या जोडीसाठी विक्रमी ठरली. या दोघांनी मिळून शंभर विकेट घेतल्या आहेत. कुलदीपच्या नावावर 37 वन डे सामन्यांत 77 विकेट्स, तर चहलच्या नावावर 37 सामन्यांत 66 विकेट्स आहेत.