India vs Pakistan Asia Cup 2023 Match Live ScoreCard Today : भारत-पाकिस्तान यांच्यातल्या लढतीत पावसाचे वर्चस्व पाहायला मिळाले. भारत-पाकिस्तान सामन्याची हवा जेवढी सोशल मीडियावर होती. प्रत्यक्षात मैदानावर ५० टक्केही प्रेक्षक दिसले नाही. त्यात पावसाच्या खेळामुळे हरज असलेल्या प्रेक्षकांचीही निराशा झाली. रोहित, विराट हे स्टार फेल झाले. हार्दिक पांड्या व इशान किशन यांनी चांगली फटकेबाजी केली. पाकिस्तानच्या शाहीन शाह आफ्रिदी, नसीम शाह व हॅरीस रौफ यांनी चांगला मारा केला. पण, पावसामुळे पाकिस्तानला फलंदाजीची संधीच मिळाली नाही. ९.५२ मिनिटांनी सामना रद्द करावा लागला. दोन्ही संघांना प्रत्येक १-१ गुण मिळाले.
तत्पूर्वी, रोहित शर्मा ( ११), विराट कोहली ( ४), श्रेयस अय्यर ( १४) व शुबमन गिल ( १०) हे अपयशी ठरले. इशानने ८१ चेंडूंत ९ चौकार व २ षटकारांसह ८२ धावा, तर हार्दिकने ९० चेंडूंत ७ चौकार व १ षटकारांसह ८७ धावा केल्या. या दोघांनी १३८ धावांची भागीदारी केली. रवींद्र जडेजा ( १४), शार्दूल ठाकूर ( ३) यांनी निराश केले. शाहीनने ४,तर नसीमने ३ विकेट्स घेतल्या. भारताचा संपूर्ण संघ ४८.५ षटकांत २६६ धावांत तंबूत पाठवला. जसप्रीतने १६ धावा केल्या. India vs Pakistan Live Asia Cup Match