India vs Pakistan Asia Cup 2023 Match Live ScoreCard Today : भारतीय संघाने नाणेफेक जिंकून प्रथम फलंदाजीचा निर्णय घेतला. रोहित शर्माने ( Rohit Sharma) स्क्वेअर लेगच्या दिशेने दोन चौकार खेचून चाहत्यांना आनंदीत केले. पण, पावसामुळे २०-२५ मिनिटे सामना थांबवावा लागला. पावसाच्या विश्रांतीनंतर मॅच पुन्हा सुरू झाली आणि त्यानंतर पाकिस्तानचा गोलंदाज शाहिन शाह आफ्रिदीने ( Shaheen Afridi) सापळा रचून हिटमॅनची दांडी गुल केली. शाहिनची गोलंदाजी पाहून विराट कोहली आश्चर्यचकित झाला. India vs Pakistan Live Match
भारताकडून सर्वाधिक ८ आशिया चषक खेळण्याचा विक्रम रोहितने आज नावावर केला. रोहितला दुसऱ्या चेंडूवर स्क्वेअर लेगवर फखर झमानने जीवदान दिले. ४.२ षटकांचा खेळ झाल्यानंतर पावसाच्या जोरदार सरी आल्या अन् खेळाडूंना मैदान सोडावे लागले. ग्राऊंड्समन्सना संपूर्ण मैदान झाकावे लागले आहे. मात्र हाती आलेल्या वृत्तानुसार पाऊस थांबला आहे आणि कव्हर्स हटवण्याचं काम सुरू झालं आहे. पावसाच्या व्यत्ययानंतर खेळ पुन्हा सुरू झाल्यानंतर शाहिनने पहिले ३ चेंडू चांगले स्विंग केले अन् त्याने चौथ्या चेंडूवर रोहितचा ( ११) त्रिफळा उडवला. या विकेटपूर्वी शाहिनने पहिले दोन चेंडू आऊट स्विंगर टाकले अन् त्यानंतर पुढचा चेंडू जरा आत फिरवला अन् रोहितचा त्रिफळा उडवला. ( India vs Pakistan Live Scorecard )