IND Vs PAK Live T20 Scoreboard : पाकिस्तानचा संघ ज्या बाबर आजम व मोहम्मद रिझवान यांच्या जोरावर उडत होता, त्यांना भारताचा युवा गोलंदाज अर्शदीप सिंगने जमिनीवर आणले. पण, इफ्तिखार अहमद व शान मसूद यांनी पाकिस्तानचा डाव सावरला. रन आऊटच्या हुकलेल्या संधीमुळे या दोघांना डाव सावरण्यासाठी वेळ मिळाला. अक्षर पटेलचा अहमदने चांगला चोपून काढला. मोहम्मद शमीने ही जोडी तोडली आणि त्यानंतर हार्दिक पांड्याने ( Hardik Pandya) एकाच षटकात दोन धक्के दिले. भारताने पुनरागमन केले. Ind vs Pak Live T20 Match
अर्शदीप सिंगचा विश्वविक्रम! पाकिस्तानच्या ओपनर्सची नाचक्की करून ठरला जगात भारी, Video
भुवनेश्वर कुमारने पहिल्या षटकात पाकिस्तानी फलंदाजांवर दडपण निर्माण केले आणि त्यानंतर अर्शदीप सिंगने बारा वाजवले. दुसऱ्या षटकाच्या पहिल्याच चेंडूवर अर्शदीपने कर्णधार बाबर आजमला LBW केले. बाबर गोल्डन डकवर माघारी जाताना पाकिस्तानी चाहते गप्प झाले होते. अर्शदीपने त्याच्या दुसऱ्या षटकात मोहम्मद रिझवानला बाऊन्सरवर बाद केले. रिझवान १२ चेंडूंत ४ धावा करून फाईन लेगवर भुवनेश्वरच्या हाती झेल देऊन माघारी परतला. एकाच सामन्यात पाकिस्तानच्या दोन्ही सलामीवीरांना एकेरी धावेत बाद करणारा अर्शदीप हा जगातील पहिला गोलंदाज ठरला. आयसीसीचा पूर्णवेळ सदस्य असलेल्या संघांमध्ये सर्वाधिक गोल्डन डकवर बाद होणाऱ्या कर्णधारांमध्ये बाबरने ( ३ वेळा) तिसरे स्थान पटकावले. India Vs Pakistan Live T20 Match
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"