India vs SL 1st T20I live Updates Score Today : पृथ्वी शॉ ( Prithvi Shaw) याला ट्वेंटी-20तील पदार्पणाच्या सामन्यात पहिल्याच चेंडूवर माघारी जावे लागले. दुष्मंथा चमिरानं टाकलेला पहिलाच चेंडू इतक्या जलदगतीनं वळला की पृथ्वीला काही समजण्यापूर्वीच चेंडू यष्टिरक्षकाच्या हातात झेपावला होता. श्रीलंकेनं नाणेफेक जिंकून टीम इंडियाला प्रथम फलंदाजीचे आमंत्रण दिले आणि पहिल्याच चेंडूवर त्यांनी टीम इंडियाला धक्का दिला. संजू सॅमसन व शिखर धवन यांनी अर्धशतकी भागीदारी करून चांगले फटके मारले. पण, सॅमसनला बाद करण्यासाठी श्रीलंकेच्या खेळाडूंनी केलेली चिटिंग समोर आली आणि त्यांचा आनंदाचा फुगा लगेच फुटला.
भारताकडून ट्वेंटी-20त पदार्पण करणारा पृथ्वी युवा फलंदाज ठरला. त्यानं 21 वर्ष व 258 दिवसांचा असताना पदार्पण केले. कसोटीत विजय मेहरा ( 17 वर्ष व 265 दिवस) आणि वन डेत पार्थिव पटेल ( 18 वर्ष व 317 दिवस) यांच्या नावावर हा विक्रम आहे. ट्वेंटी-20त पहिल्याच चेंडूवर बाद होणारा पृथ्वी हा लोकेश राहुल ( वि. झिम्बाब्वे, 2016) याच्यानंतरचा दुसरा सलामीवीर ठरला, तर ट्वेंटी-20 पदार्पणात शून्यावर बाद होणारा धोनी व राहुल यांच्यानंतर तिसरा भारतीय फलंदाज ठरला.