India vs South Africa 3rd T20I Live Marathi : भारतीय गोलंदाजांनी यजमान दक्षिण आफ्रिकेची कोंडी केली आहे. २०२ धावांच्या लक्ष्याचा पाठलाग करताना त्यांना ४ धक्के बसले आहेत. पण, यापेक्षा मोठा धक्का भारताला बसला आहे. शतकवीर सूर्यकुमार यादवला दुखापत झाली आणि त्याला उचलून मैदानाबाहेर नेण्यात आले. रवींद्र जडेजा स्टँड इन कॅप्टन आहे.
मोहम्मद सिराजने पहिल्याच षटका आफ्रिकेला दबावाखाली आणले. त्या निर्धाव षटकानंतर दुसऱ्या षटकात मुकेश कुमारने आफ्रिकेचा सलामीवीर मॅथ्यू ब्रित्झकीला ( ४) त्रिफळाचीत केले. चौथ्या षटकात आफ्रिकेचा सलामीवीर रिझा हेंड्रीक्स ( ८) याला मोहम्मद सिराजने रन आऊट केले. हेनरीच क्लासेनला ( ५) अर्शदीप सिंगने आणि कर्णधार एडन मार्करामला ( २५) रवींद्र जडेजाने बाद केले. आफ्रिकेची अवस्था ४ बाद ४२ अशी झाली. दरम्यान, सूर्यकुमारची दुखापत किती गंभीर आहे याचे अपडेट्स हाती आलेले नाहीत,