India vs Sri Lanka 1st ODI, Live Update, Colombo : शिखर धवनच्या नेतृत्वाखाली प्रथमच वन डे सामन्यात मैदानावर उतरलेल्या युवा संघाला लक्ष्याचा पाठलाग करावा लागणार आहे. श्रीलंकेनं नाणेफेक जिंकून प्रथम फलंदाजी करण्याचा निर्णय घेतला आहे. महान फलंदाज राहुल द्रविडही प्रथमच टीम इंडियाच्या मुख्य प्रशिक्षकपदी आहे. भारताचे प्रमुख खेळाडू इंग्लंड दौऱ्यावर असल्यामुळे बीसीसीआयनं श्रीलंका दौऱ्यावर दुसऱ्या फळीतील खेळाडूंना पाठवले. आज पहिल्या वन डे सामन्यात टीम इंडियात इशान किशन आणि सूर्यकुमार यादव यांनी पदार्पण केले आहे. ( Ishan Kishan and Suryakumar Yadav making the ODI debut for India)
टीम इंडियाचे नेतृत्व करणारा शिखर धवन हा २५वा खेळाडू आहे. वन डे क्रिकेटमध्ये ६००० धावा करण्यासाठी त्याला २३ धावांची गरज आहे आणि हा पल्ला पार करणारा तो १०वा भारतीय फलंदाज ठरणार आहे. ट्वेंटी-२० वर्ल्ड कप स्पर्धेपूर्वीच्या या अखेरच्या मर्यादित षटकांच्या मालिकेत विराट व मुख्य प्रशिक्षक रवी शास्त्री यांची नजर आहे. वर्ल्ड कप स्पर्धेत निवडल्या जाणाऱ्या संभाव्य खेळाडूंची श्रीलंका दौऱ्यावर चाचपणी केली जाईल आणि तसे संकेत धवननं दिले होते. त्यानुसार आज मुंबई इंडियन्सच्या इशान किशन व सूर्यकुमार यादव यांना संधी देण्यात आली आहे.
इंग्लंडविरुद्धच्या ट्वेंटी-२० मालिकेत इशान व सुर्या यांनी एकत्रच ट्वेंटी-२० संघात पदार्पण केलं होतं अन् आज वन डे संघातही ही दोघं सोबतच पदार्पण करत आहेत. ( They made their T20I debut together, and today, Ishan Kishan and Suryakumar Yadav will make their ODI debut together). २०१९च्या वर्ल्ड कपनंतर कुलदीप यादव व युझवेंद्र चहल ही जोडी पुन्हा एकत्र खेळणार आहे. ( Kuldeep Yadav and Yuzvendra Chahal are back together after 2019 World Cup game against England.)
भारतीय संघ - शिखर धवन, पृथ्वी शॉ, सूर्यकुमार यादव, इशान किशन, हार्दिक पांड्या, युझवेंद्र चहल, भुवनेश्वर कुमार, कुलदीप यादव, हार्दिक पांड्या, कृणाल पांड्या, दीपक चहर
Web Title: India vs Sri Lanka 1st ODI, Live : Ishan Kishan, Suryakumar Yadav making the ODI debut for India, Sri Lanka have won the toss and will bat first
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
