त्रिवेंद्रम : भारत विरुद्ध वेस्ट इंडिज यांच्यातील पाचवा वन डे सामना आज त्रिवेंद्रम येथे खेळवण्यात येणार आहे. कर्णधार विराट कोहली आणि विक्रम हे समीकरण याही सामन्यात पाहायला मिळणार आहे. विंडीज मालिकेतील पहिल्या तीन सामन्यांत कोहलीने शतकं झळकावून विक्रम नावावर केला होता. सलग तीन वन डे सामन्यात शतक झळकावणारा तो पहिला भारतीय ठरला होता. त्यात मालिकेतील अखेरचा सामना सुरू होण्यापूर्वी एक विशेष विक्रम नावावर करण्याची संधी आहे. या सामन्यात तो 'टॉस का बॉस' ठरू शकतो.
वेस्ट इंडिजविरुद्ध अशी कामगिरी करणारा तो पहिला भारतीय कर्णधार ठरेल. अन्य संघांविरुद्धच्या पाच सामन्यांच्या मालिकेबाबत बोलायचे झाल्यास मोहम्मद अझरुद्दीन, राहुल द्रविड आणि महेंद्रसिंग धोनी यांनी यापूर्वीच हा विक्रम नावावर केला आहे. आज कोहलीने टॉस जिंकल्यास अशी कामगिरी करणारा तो चौथा भारतीय कर्णधार ठरणार आहे.