IPL 2023 मध्ये भारताचा फलंदाज लोकेश राहुल ( KL Rahul) लंडनमध्ये आहे. १ मे रोजी लखनौ सुपर जायंट्स (LSG) आणि रॉयल चॅलेंजर्स बंगळुरू (RCB) यांच्यातील सामन्यादरम्यान त्याच्या हिप फ्लेक्सरला दुखापत झाली होती. तो स्पर्धेतून बाहेर पडला आणि नंतर आगामी जागतिक कसोटी चॅम्पियनशिप (WTC 2023) फायनलमधूनही बाहेर पडला. तो शस्त्रक्रियेसाठी लंडनला गेला होता. त्याने अलीकडेच लंडनच्या रस्त्यावर स्वतःचा एक फोटो पोस्ट केला आहे.
LSG साठी IPL 2023 मध्ये राहुलने ९ सामन्यांमध्ये २ अर्धशतके आणि ११३.१२ च्या स्ट्राइक रेटसह २७४ धावा केल्या. दरम्यान, केएल राहुलचा सोशल मीडियावर एक मजेशीर व्हिडिओ समोर आला आहे. सोशल मीडियावरील छोट्या क्लिपमध्ये लंडनमधील लक्स क्लब नावाच्या स्ट्रिप क्लबमध्ये भारताचा माजी उपकर्णधार, स्टेजवर एका डान्सरला बघतानाचा दिसतोय.