कोरोना व्हायरसमुळे जगभरात क्रिकेट स्पर्धा कालपर्यंत बंद होत्या. पण, इंग्लंड आणि वेस्ट इंडिज यांच्या कसोटी सामन्यानं 117 दिवसानंतर आंतरराष्ट्रीय क्रिकेटचे पुनरागमन झालं. भारतात अजूनही क्रिकेट सुरू होण्यास वेळ आहे आणि देशातील कोरोना रुग्णांची वाढती संख्या लक्षात घेता, येथे क्रिकेट कधी सुरू होईल याची खात्री कोणीच देऊ शकत नाही. लॉकडाऊमुळे क्रिकेटपटूंना आपापल्या घरीच रहावे लागले आहे आणि त्यांना कुटुंबीयांना पुरेसा वेळ देता येत आहे. पण, गुरुवारी आकाश चोप्रानं सोशल मीडियावर एक व्हिडीओ शेअर केला आणि त्यात त्याच्या पत्नीनं चक्क घर सोडून जाण्याची धमकी दिली.

भारताचा माजी क्रिकेटपटू आणि क्रिकेट समालोचक आकाश चोप्रा सोशल मीडियावर नेहमीच सक्रीय असतो. त्यानं शेअर केलेल्या व्हिडीओंनाही नेटिझन्सना आवडतात. भारताकडून 10 कसोटी सामने खेळणाऱ्या आकाश चोप्रानं गुरुवारी इंस्टाग्रामवर असाच एक व्हिडीओ पोस्ट केला. त्यात तो इंडियन प्रीमिअर लीग होणार की नाही आणि झालीच तर कधी होईल, असा प्रश्न विचारत आहे. तितक्यात त्याची पत्नी तेथे आली आणि या घरात सतत क्रिकेट क्रिकेट सुरू असतं. त्यानंतर तिनं घर सोडून जाण्याची धमकी दिली.. पुढे काय झालं ते तुम्हीच पाहा...

View this post on Instagram
#feelkaroreelkaro #aakashvani #mrsandmrchopra
A post shared by Aakash Chopra (@cricketaakash) on Jul 8, 2020 at 11:27pm PDT