मुंबई, आयपीएल 2019 : चेन्नई सुपर किंग्जने दिल्ली कॅपिटल्सवर सहा विकेट्स राखत सहज विजय मिळवला. प्रथम फलंदाजी करणाऱ्या दिल्लीच्या संघाला १४७ धावा करता आल्या. हा सामना अंतिम षटकापर्यंत गेला असला तरी चेन्नईच हा सामना जिंकेल, अशी परिस्थिती त्यांनी निर्माण केली होती.
चेन्नई सुपर किंग्सच्या गोलंदाजांनी भेदक गोलंदाजी केल्यामुळे दिल्ली कॅपिटल्सच्या धावा आटल्या. ड्वेन ब्राव्होने भेदक मारा करत दिल्लीच्या तीन फलंदाजांना बाद केले आणि त्यांचे कंबरडे मोडले. चेन्नईच्या अचूक गोलंदाजीमुळे दिल्लीला 147 धावांवर समाधान मानावे लागले. शिखर धवनने अर्धशतक झळकावल्यामुळे दिल्लीला ही मजल मारता आली.
दिल्लीची सुरुवात चांगली झाली होती. पृथ्वी शॉ याने दमदार फटकेबाजी करत २४ धावा केल्या होत्या. तो बाद झाल्यावर धवनचा अपवाद वगळता एकाही फलंदाजाला मोठी खेळी साकारता आली नाही. धवनने सात चौकारांच्या मदतीने ५१ धावा केल्या.
Web Title: IPL 2019: Easy win over Delhi capitals by Chennai Super Kings
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
