नवी दिल्ली, आयपीएल 2019 : इंडियन प्रीमिअर लीगच्या 12व्या मोसमात माजी विजेत्या कोलकाता नाइट रायडर्सला सलग पाच पराभवांचा सामना करावा लागला आहे. 10 सामन्यांत केवळ चार विजयांसह KKR संघ गुणतालिकेत सहाव्या स्थानावर आहे. या हंगामात त्यांनी सुरुवात तर चांगली केली, परंतु त्यांना सातत्य राखण्यात अपयश आले. त्यामुळे कोलकाता संघाचे मनोबल खचले आहे, परंतु त्यांना पुढील वाटचालीसाठी प्रोत्साहन देण्याकरिता KKRचा माजी कर्णधार गौतम गंभीर धावला आहे. भारतीय संघाच्या माजी खेळाडूने सोशल मीडियावर KKR साठी विशेष मॅसेज पाठवला आहे.
कोलकाताने गंभीरच्या नेतृत्वाखाली दुसरे जेतेपद पटकावले त्या हंगामात संघाची वाटचाल अडखळत झाली होती. त्यांनी सात सामन्यांत केवळ दोनच विजय मिळवले होते. मात्र, त्यानंतर संघाने जोरदार पुनरागमन केले आणि विजयाचा चषक उंचावला.