जॉनी बेअरस्टो आणि डेव्हिड वॉर्नर यांच्या वादळी खेळीनंतर मोहम्मद नबीच्या फिरकीनं रॉयल चॅलेंजर्स बंगळुरूला शरणागती पत्करण्यास भाग पाडले. बेअरस्टो आणि वॉर्नर या दोघांनी शतकी खेळी करून सनरायझर्स हैदराबादला 20 षटकांत 2 बाद 231 धावांचा डोंगर उभा करून दिला. प्रत्युत्तरात बंगळुरूचे 6 फलंदाज 35 धावांवर माघारी परतले होते. नबीने 4 षटकांत 11 धावा देत 4 विकेट घेत बंगळुरूला मोठा धक्का दिला. हैदराबाद संघाने हा सामना 118 धावांनी जिंकला. बंगळुरूच्या संघाला सलग तिसऱ्या सामन्यात पराभवाचे तोंड पाहावे लागले. मोठ्या धावसंख्येचा पाठलाग करतना बंगळुरूचे धुरंधर अपयशी ठरले.
07:14 PM
17 व्या षटकात बंगळुरू संघाने शतकी आकडा गाठला.
07:05 PM
सिद्धार्थ कौलने बंगळुरुला धक्का दिला. प्रयास बर्मनला त्याने बाद केले.
07:01 PM
प्रयास रे बर्मन आणि डी ग्रँडहोम यांनी सातव्या विकेटसाठी अर्धशतकी भागीदारी करताना संघर्ष केला.
06:41 PM
रॉयल चॅलेंजर्स बंगळुरूच्या 10 षटकांत 6 बाद 44 धावा झाल्या.
06:37 PM
मोहम्मद नबीने 4 षटकांत 11 धावा देत बंगळुरूच्या 4 फलंदाजांना माघारी पाठवले. त्याने पार्थिव पटेल, शिमरोन हेटमायर, एबी डिव्हिलियर्स आणि शिवम दुबे यांना बाद केले.
06:28 PM
मोहम्मद नबीने बंगळुरुला आणखी एक धक्का दिला. त्याने शिवम दुबेला बाद करताना बंगळुरूची 6 बाद 35 धावा अशी दयनीय अवस्था केली.
06:24 PM
संदीप शर्माने सातव्या षटकात बंगळुरूचा कर्णधार विराट कोहलीला बाद करत मोठा धक्का दिला. त्याच्या पुढच्याच चेंडूवर मोईन अली धावबाद झाला. बंगळुरूचा निम्मा संघ अवघ्या 30 धावांत माघारी परतला.
06:12 PM
चौथ्या षटकात मोहम्मद नबीनं रॉयल चॅलेंजर्स बंगळुरूला दोन धक्के दिले. शिमरोन हेटमायर पाठोपाठ नबीने बंगळुरूच्या एबी डिव्हिलियर्सलाही माघारी पाठवले.
06:09 PM
मोहम्मद नबीनं रॉयल चॅलेंजर्स बंगळुरूला दुसरा धक्का दिला. नबीनं त्याच्या दुसऱ्या षटकात शिमरोन हेटमायरला बाद केले.
06:04 PM
231 धावांचा पाठलाग करताना रॉयल चॅलेंजर्स बंगळुरूला दुसऱ्याच षटकात धक्का बसला. हैदराबादच्या मोहम्मद नबीनं बंगळुरूचा सलामीवीर पार्थिव पटेलला मनीष पांडेकरवी झेलबाद केले.
05:46 PM
जॉनी बेअरस्टो आणि डेव्हिड वॉर्नरच्या वादळी खेळीनं रॉयल चॅलेंजर्स बंगळुरूच्या गोलंदाजांचा पालापाचोळा केला. त्यांच्या फटकेबाजीच्या जोरावर सनरायझर्स हैदराबादने 20 षटकांत 231 धावा चोपल्या. बेअरस्टोनं 56 चेंडूंत 12 चौकार व 7 षटकार खेचून 114 धावा केल्या, तर वॉर्नरने 55 चेंडूंत 5 चौकार व 5 षटकार खेचून नाबाद 100 धावा केल्या.
05:38 PM
वॉर्नरने 55 चेंडूंत 5 चौकार व 5 षटकार खेचून नाबाद 100 धावा केल्या.
05:24 PM
विजय शंकर 9 धावांवर माघारी परतला.
05:19 PM
युजवेंद्र चहलने ही जोडी फोडली. 56 चेंडूंत 12 चौकार व 7 षटकार खेचून 114 धावा करणाऱ्या बेअरस्टोला त्याने बाद केले.
05:18 PM
डेव्हिड वॉर्नर आणि जॉनी बेअरस्टो यांनी हैदराबादकडून सर्वात मोठी भागीदारी करण्याचा विक्रम नावावर केला. या जोडीनं पहिल्या विकेटसाठी 185 धावा केल्या आणि शिखर धवन व केन विलियम्सन यांनी 2018 मध्ये दिल्ली कॅपिटल्सविरुद्ध केलेल्या दुसऱ्या विकेटसाठीचा 176 धावांचा विक्रम मोडला.
05:11 PM
16व्या षटकाच्या पहिल्याच चेंडूवर दोन धावा घेत जॉनी बेअरस्टोनं शतक पूर्ण केले. आयपीएलमधील त्याचे हे पहिलेच शतक ठरले. त्याने 52 चेंडूंत 102 धावा चोपल्या.
05:08 PM
हैदराबादने 15 षटकांत बिनबाद 164 धावा केल्या. बेअरस्टो 99, तर वॉर्नर 64 धावांवर खेळत आहेत.
05:03 PM
वॉर्नर व बेअरस्टो यांनी आयपीएलमध्ये सलग तीन सामन्यांत शतकी भागीदारी करण्याचा विक्रम केला, अशी कामगिरी करणारी ही पहिलीच जोडी ठरली.
04:58 PM
डेव्हिड वॉर्नरनेही 32 चेंडूंत अर्धशतक पूर्ण केले. त्याच्या या खेळीत दोन चौकार व दोन षटकारांचा समावेश होता.
04:49 PM
डेव्हिड वॉर्नर आणि जॉनी बेअरस्टो यांनी सलग तिसऱ्या सामन्यात शतकी भागीदारी केली.
04:45 PM
सनरायझर्स हैदराबादने 9.4 षटकांत शतक पूर्ण केले, जॉनी बेअरस्टोने डी ग्रॅडहोमच्या षटकात दोन खणखणीत षटकार खेचून संघाला शतकी पल्ला पार करून दिला.
04:38 PM
डेव्हिड वॉर्नर आणि जॉनी बेअरस्टो ही आंतरराष्ट्रीय अनुभव असलेली जोडी समोर असूनही 16 वर्षीय प्रयास रे बर्मनने चोख गोलंदाजी केली. त्यानं पहिल्याच षटकात केवळ 6 धावा दिल्या.
04:28 PM
हैदराबादच्या सलामीवीरांनी पॉवर प्लेचा पुरेपूर फायदा उचलताना 6 षटकांत 59 धावा चोपल्या.
04:24 PM
सनरायझर्स हैदराबादने 5 षटकांत 51 धावा केल्या. डेव्हिड वॉर्नर आणि जॉनी बेअरस्टो यांनी संघाला दमदार सुरुवात करून दिली.
04:20 PM
रॉयल चॅलेंजर्स बंगळुरू संघाने रविवारी आपल्या चमूत 16 वर्षीय प्रयास रे बर्मनला दाखल करून घेतले. सनरायझर्स हैदराबादविरुद्धच्या सामन्यातून प्रयास इंडियन प्रीमिअर लीगमध्ये पदार्पण करणार आहे. यासह आयपीएलमध्ये सर्वात कमी वयात पदार्पण करणाऱ्या खेळाडूचा माना प्रयासने पटकावला. प्रयासने 16 वर्ष आणि 157 दिवशी आयपीएलमध्ये पदार्पण केले.
04:05 PM
डेव्हिड वॉर्नरने खणखणीत षटकार मारून उमेश यादवचे स्वागत केले.
04:04 PM
जॉनी बेअरस्टो आणि डेव्हिड वॉर्नर यांनी सनरायझर्स हैदराबादला अपेक्षित सुरुवात करून दिली. मोईन अलीच्या पहिल्याच षटकात या जोडीनं 14 धावा काढल्या.
04:00 PM
रॉयल चॅलेंजर बंगळुरू आणि सनरायझर्स हैदराबाद यांच्यात होणाऱ्या आजच्या सामन्यात विराट कोहलीनंनव्या युवा खेळाडूला अंतिम अकरामध्ये संधी दिली आहे. आजच्या या सामन्यात 16 वर्षीय प्रयास रे बर्मन आयपीएलमध्ये पदार्पण करणार आहे. जयपूर येथे झालेल्या लिलावात RCBने प्रयासला 1.50 कोटी रुपयांत आपल्या चमूत दाखल करुन घेतले. 20 लाख मुळ किंमत असलेल्या प्रयासला संघात घेण्यासाठी किंग्स इलेव्हन पंजाबही उत्सुक होते, परंतु बंगळुरूने बाजी मारली.
03:36 PM
केन विलियम्सनला आजच्या सामन्यात मुकावे लागल्यामुळे हैदराबादची चिंता वाढली आहे. त्याच्या जागी संघात मोहम्मद नबीला संधी मिळाली आहे. बंगळुरुच्या संघात 16 वर्षीय प्रयास रे बर्मनचा समावेश.
03:34 PM
रॉयल चॅलेंजर्स बंगळुरूनं नाणेफेक जिंकून प्रथम गोलंदाजीचा निर्णय घेतला,
03:20 PM
रविवार RCBसाठी धोकादायक, कोहली मोडणार का अशुभ चक्र?
Web Title: IPL 2019 SRH vs RCB : हैदराबादचा 118 धावांनी विजय, बंगळुरूचा सलग तिसरा पराभव
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
