इंडियन प्रीमिअर लीगच्या ( IPL 2020) १३व्या पर्वाचा अंतिम सामना दुबईत सुरू आहे. चार वेळच्या विजेत्या मुंबई इंडियन्स ( Mumbai Indians)समोर दिल्ली कॅपिटल्सचे ( Delhi Capitals) आव्हान आहे. DCनं पहिल्यांदाच आयपीएलच्या फायनलमध्ये प्रवेश केला आहे. MIनं यापूर्वी पाचपैकी चार वेळा ( २०१० वगळता) आयपीएलचे जेतेपद पटकावले आहे. त्यामुळे मुंबईची ही घोडदौड दिल्ली रोखेल का, याची उत्सुकता सर्वांना लागली आहे. दिल्ली कॅपिटल्सनं नाणेफेक जिंकून प्रथम फलंदाजी करण्याचा निर्णय घेतला.
दिल्लीच्या संघाला रोखण्यासाठी MIकर्णधार रोहित शर्मानं संघात बदल करून मोठा डाव खेळला. मुंबईनं यंदाच्या आयपीएलमध्ये १५ विकेट्स घेणाऱ्या राहुल चहरला बाहेर बसवून जयंत यादवला अंतिम ११मध्ये स्थान दिले. दिल्लीच्या संघात डावखुरे फलंदाज अधिक असल्यानं हा बदल केल्याचे रोहितनं सांगितलं. मार्कस स्टॉयनिस व शिखर धवन हे सलामीला आले आणि ट्रेंट बोल्टनं पहिल्याच चेंडूवर स्टॉयनिसला यष्टिरक्षक क्विंटन डी'कॉकला माघारी पाठवून दिल्लीला मोठा धक्का दिला. ट्रेंट बोल्टनं DCला आणखी एक धक्का देताना अजिंक्य रहाणेला ( २) बाद केले. OMG; जोफ्रा आर्चरला सर्वच माहित्येय, जयंत यादवनं विकेट घेताच जूनं ट्विट व्हायरल
ट्रेंट बोल्टनं पॉवर प्लेमध्ये दोन विकेट्स घेत मिचेल जॉन्सनच्या २०१३च्या विक्रमाशी बरोबरी केली. पहिल्या सहा षटकांत सर्वाधिक १६ विकेट्स घेण्याचा विक्रम नावावर केला. शिवाय आयपीएलच्या फायनलमध्ये प्रथमच पहिल्या चेंडूवर विकेट घेण्याचा प्रसंग घडला. फायनलमध्ये अंतिम ११मध्ये स्थान मिळवलेल्या जयंत यादवला ( Jayant Yadav) चौथे षटक दिले आणि त्यानं त्या षटकात शिखर धवनला ( १५) बाद केले. पण, कर्णधार श्रेयस अय्यरनं कोणताही दबाव न घेता मुंबईच्या गोलंदाजांचा सामना केला आणि त्याला रिषभ पंतकडूनही दमदार साथ मिळाली. या दोघांनी दिल्लीची घसरलेली गाडी पुन्हा रुळावर आणली. आयपीएल फायनलमध्ये 'असे' प्रथमच घडले; ट्रेंट बोल्टचा मोठा विक्रम, Video
रिषभनं ३५ चेंडूंत यंदाच्या आयपीएलमधील पहिले अर्धशतक झळकावले. नॅथन कोल्टर नायलच्या सलग दोन चेंडूवर चौकार मारणारा रिषभ १५व्या षटकाच्या अखेरच्या चेंडूवर बाद झाला. रिषभनं ३८ चेंडूंत ४ चौकार व २ षटकारासह ५६ धावा केल्या. रिषभच्या विकेटनं श्रेयस अय्यरसोबतची त्याची ९६ धावांची भागीदारी संपुष्टात आली. श्रेयसनंही ४० चेंडूंत अर्धशतक पूर्ण करताना दिल्लीचा डाव सावरला. रोहित शर्माची MS Dhoniच्या विक्रमाशी बरोबरी; आतापर्यंत या दोघांनाच जमला हा पराक्रम!
IPLच्या फायनलमध्ये अर्धशतक झळकावणारा तो सहावा कर्णधार ठरला. यापूर्वी महेंद्रसिंग धोनी ( २०१३), रोहित शर्मा ( २०१५), डेव्हिड वॉर्नर ( २०१६), विराट कोहली ( २०१६) आणि स्टीव्ह स्मिथ ( २०१७) यांनी अंतिम सामन्यात अर्धशतक झळकावले.
Web Title: IPL 2020 Final MI vs DC: Captains to Score 50s in IPL Final, Shreyas Iyer registered his name in record book
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
