रॉयल चॅलेंजर्स बंगळुरू ( Royal Challengers Bangalore) संघाचा कर्णधार विराट कोहली ( Virat Kohli) यानं रविवारी पत्नी अनुष्का शर्मा ( Anushka Sharma) सोबतचा रोमँटिक फोटो पोस्ट केला. विराट-अनुष्का लवकरच आई-बाबा बनणार आहेत. विराटनं इंडियन प्रीमिअर लीगसाठी ( IPL 2020) युएईत दाखल होण्यापूर्वी ही गोड बातमी दिली होती. त्यामुळेच विराट पत्नी अनुष्कासह युएईत दाखल झाला. RCBच्या सामन्यांना अनुष्काही स्टेडियमवर उपस्थित राहिलेली पाहायला मिळत आहेत. शुक्रवारी RCBनं एबी डिव्हिलियर्सच्या वादळी खेळीच्या जोरावर राजस्थान रॉयल्सला नमवून Point Tableवर तिसऱ्या स्थानावरील पकड मजबूत केली. आता RCBचा पुढील सामना बुधवारी कोलकाता नाईट रायडर्सविरुद्ध आहे आणि तत्पूर्वी विराट रिलॅक्स मूडमध्ये दिसला. त्याचा अन् अनुष्काचा हा फोटो एबी डिव्हिलियर्सनं काढला आहे.
पण, त्यानंतर एबी डिव्हिलियर्सचे वादळ घोंगावलं. जयदेव उनाडकटच्या षटकात त्यानं सलग तीन षटकार खेचले. १२ चेंडूंत विजयासाठई ३५ धावांची आवश्यकता असताना एबीनं १९व्या षटकात २५ धावा चोपून सामना RCBच्या बाजूनं झुकवला. त्यामुळे अखेरच्या षटकात RCBला विजयासाठी १० धावा हव्या होत्या आणि एबीनं त्या सहज करून दिल्या. RCBनं हा सामना ७ विकेट्स राखून जिंकला. एबीनं २२ चेंडूंत १ चौकार व ६ षटकार खेचून नाबाद ५५ धावा केल्या. गुरकिरत सिंग मनने नाबाद १९ धावा करून त्याला योग्य साथ दिली.