IPL 2021, CSK vs RCB Ravindra Jadeja : इंडियन प्रीमिअर लीग २०२१च्या दुसऱ्या टप्प्यात विराट कोहलीच्या ( Virat Kohli) नेतृत्वाखाली खेळणाऱ्या रॉयल चॅलेंजर्स बंगलोर ( RCB) संघाला सलग दुसऱ्या पराभवाचा सामना करावा लागला. महेंद्रसिंग धोनीच्या ( MS Dhoni) चेन्नई सुपर किंग्सनं ( CSK) ६ विकेट्स राखून विजय मिळवला. या विजयानंतर CSKनं गुणतक्त्यात अव्वल स्थानावर झेप घेतली. या सामन्यानंतर कर्णधार कोहलीनं गोलंदाजांचे कान टोचले, परंतु या सामन्यात असा एक प्रसंग घडला की ज्याची चर्चा आता होत आहे. CSKचा अष्टपैलू खेळाडू रवींद्र जडेजा ( Ravindra Jadeja) यानं चक्क अम्पायर अनिल चौधरी ( Anil Chaudhary) यांच्या पाठीवर थाप मारली.
महेंद्रसिंग धोनीच्या शिलेदारांनी १० षटकांत बाजी उलटवली, विराट कोहलीच्या RCBची जिरवली!
विराट कोहलीच्या खिलाडूवृत्तीवर ऋतुराज गायकवाडनं उपस्थित केली शंका?, चढला कॅप्टनचा पारा, Video
RCBच्या फलंदाजी सुरू असताना ११व्या षटकातील चौथ्या चेंडूवर हा मजेशीर प्रसंग घडला. जडेजाच्या गोलंदाजीवर देवदत्त पडिक्कल स्ट्राईकवर होता. जडेजानं ऑफ स्टम्पबाहेर चेंडू टाकला आणि त्यानंतर पडिक्कल अम्पायरच्या निर्णयाकडे पाहत होता. पण, अनिल चौधरीनं Wide बॉल दिला नाही. या निर्णयानंतर जडेजाही पडिक्कलकडे पाहून योग्य निर्णय आहे, असं डोकं हलवलं आणि पुन्हा गोलंदाजी करण्यासाठी जाताना अम्पायरच्या पाठीवर हात मारला. सध्या हा व्हिडीओ चांगला व्हायरल होत आहे.
पाहा व्हिडीओ..