IPL 2021 : MI vs SRH T20 Live Score Update : मुंबई इंडियन्सनं नाणेफेक जिंकून प्रथम फलंदाजी करण्याचा निर्णय घेतला आहे. रोहित शर्मा ( Rohit Sharma) व क्विंटन डी कॉक ( Quinton de Kock) यांनी मुंबई इंडियन्सला ( MI) चांगली सुरुवात करून दिली. या दोघांनी पहिल्या विकेटसाठी ५५ धावा जोडल्या. विजय शंकरनं ( Vijay Shankar) दोन महत्त्वाच्या विकेट्स घेत SRHला सामन्यात कमबॅक करून दिले, परंतु किरॉन पोलार्डनं ( Kieron Pollard) अखेरपर्यंत खिंड लढवताना मुंबई इंडियन्सला ५ बाद १५० धावांपर्यंत मजल मारून दिली. IPL 2021 : MI vs SRH T20 Live Score Update
पहिल्याच षटकात क्विंटन डी कॉकनं दोन सुरेख चौकार मारून MIला सकारात्मक सुरुवात करून दिली. विजय शंकरनं रोहित ( ३२) आणि सूर्यकुमार यादव ( १०) यांना बाद केले. दोन महत्त्वाच्या विकेट्स पडल्यानंतर मुंबईची धावगती मंदावली. पण पोलार्डनं २२ चेंडूंत १ चौकार व ३ षटकारांसह नाबाद ३५ धावा करताना मुंबईला ५ बाद १५० धावांपर्यंत मजल मारून दिली.
सर्वाधिक षटकार मारणारे खेळाडू
- ख्रिस गेल - ३५१
- एबी डिव्हिलियर्स - २३७
- रोहित शर्मा - २१७
- महेंद्रसिंग धोनी - २१६
- किरॉन पोलार्ड - २०१
- विराट कोहली - २०१
आयपीएलमध्ये २०० षटकार मारणारा पोलार्ड हा सहावा खेळाडूस तर तिसरा परदेशी खेळाडू ठरला. त्यानं १५० डावांत २०० षटकार खेचले. गेलनं ६८, तर एबीनं १३७ डावांत २०० षटकार मारण्याचा पराक्रम केला.
मुजीबनं टाकलेल्या १७व्या षटकात पोलार्डनं मॉन्स्टर सिक्स मारला...