रॉयल चॅलेंजर्स बंगलोर ( Royal Challengers Banglore) संघानं रविवारी पंजाब किंग्सवर ( Punjab Kings) ६ धावांनी विजय मिळवताना प्ले ऑफमधील स्थान पक्के केले. चेन्नई सुपर किंग्स, दिल्ली कॅपिटल्स आणि RCB यांनी प्ले ऑफमधील स्थान पक्के केले आहे. विराट कोहलीच्या ( Virat Kohli) नेतृत्वाखाली बंगलोरनं सलग दुसऱ्या वर्षी प्ले ऑफमध्ये एन्ट्री मारली. या विजयानंतर विराटनं भीमगर्जना केली की आता बिनधास्त खेळणार आणि टॉप टूमध्ये स्थान पटकावणार.
RCBनं १२ सामन्यांत ८ विजय मिळवून १६ गुणांची कमाई केली आहे आणि त्यांचे आणखी चार सामने शिल्लक आहेत. या सामन्यानंतर विराट म्हणाला, खूप आनंदी वाटतंय. २०११नंतर आम्हाला अशी कामगिरी करता आली नव्हती. १२ सामन्यांत ८ विजय मिळवून आम्ही प्ले ऑफमध्ये प्रवेश केला. आणखी दोन विजय आणि आम्ही टॉप टूमध्ये प्रवेश करू. आता तर आणखी बिनधास्त खेळ करण्याची प्रेरणा मिळाली आहे.''