IPL 2021 : विजय हजारे ट्रॉफी स्पर्धेत एका पर्वात ८००+ ( ८२७) धावा करणाऱ्या पहिल्या फलंदाजाचा मान पटकावणाऱ्या पृथ्वी शॉ ( Prithvi Shaw) यानं आयपीएल २०२१तही फॉर्म कायम राखला. दिल्ली कॅपिटल्स संघाचे ( Delhi Capitals) प्रतिनिधित्व करताना पृथ्वीनं चेन्नई सुपर किंग्सच्या ( Chennai Super Kings) गोलंदाजांची धुलाई केली. त्यानं ३८ चेंडूंत ९ चौकार व ३ षटकारांच्या मदतीनं ७२ धावा चोपल्या आणि शिखर धवनसह पहिल्या विकेटसाठी १३८ धावांची विक्रमी भागीदारी केली. त्याच्या या खेळीचं वीरेंद्र सेहवागनं ( Virender Sehwag) अनोख्या पद्धतीनं कौतुक केलं. शिखर धवनला बाद करण्यासाठी MS Dhoni चा 'मून' बॉलवर स्टम्पिंगचा प्रयत्न, Video
१८८ धावांचा पाठलाग करताना या दोघांनी पहिल्या विकेटसाठी १३८ धावांची भागीदारी करताना दिल्ली कॅपिटल्सच्या ( Delhi Capitals) विजयाचा मजबूत पाया रचला. दिल्लीनं ७ विकेट्स राखून हा सामना जिंकला. सामन्यांच्या वेळेवरून महेंद्रसिंग धोनी नाराज; प्रथम फलंदाजी करणाऱ्या टीमला बसतोय फटका
दिल्ली कॅपिटल्ससाठी पहिल्या विकेटसाठी सर्वोत्तम भागीदारी
माहेला जयवर्धने/वीरेंद्र सेहवाग - १५१ वि. मुंबई इंडियन्स, २०१३
डेव्हिड वॉर्नर/वीरेंद्र सेहवाग - १४६ वि. पंजाब किंग्स, २०११
पृथ्वी शॉ/ शिखर धवन - १३८ वि. चेन्नई सुपर किंग्स, २०२१
वीरूनं ट्विट केलं की, आमच्यासाठी आजचा दिवस चांगला राहिला. ( A good day for us). वीरूनं पोस्ट केलेल्या फोटोत तो स्वतः, सचिन तेंडुलकर आणि ब्रायन लारा दिसत आहेत.
याचा आणि पृथ्वी शॉच्या खेळीचा काय संबंध, असा प्रश्न सर्वांना नक्की पडला असेल. वीरूनं हे ट्विट टीम इंडियाचे मुख्य प्रशिक्षक रवी शास्त्री यांच्या एका विधानावरून केलं आहे. शास्त्री यांनी पृथ्वीमध्ये सचिन, वीरू आणि लारा यांची छबी दिसते, असे म्हटले होते. २०१८मध्ये पृथ्वीनं पदार्पण केलं तेव्हा हे विधान केलं होतं.
Web Title: IPL 2021: Virender Sehwag finds unique way to laud Prithvi Shaw's exploits against CSK
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
