Suresh Raina MS Dhoni, IPL 2022 CSK vs KKR Live Updates: आयपीएल स्पर्धेला आजपासून सुरूवात झाली. पहिला सामना चेन्नई सुपर किंग्ज विरूद्ध कोलकाता नाईट रायडर्स यांच्यात खेळण्यात येत आहे. यंदाच्या IPL मध्ये ८ ऐवजी १० संघ असणार आहेत. पण या हंगामात एक मोठी गोष्ट म्हणजे Mr IPL अशी ओळख असलेल्या सुरेश रैनाला यावेळी खेळताना पाहायला मिळणार नाही. मेगालिलावात सुरेश रैनाला कोणीही विकत घेतलं नाही. त्यानंतर यंदाच्या हंगामापासून सुरेश रैना IPL मध्ये कॉमेंट्री करताना दिसला. त्यातही महत्त्वाची बाब म्हणजे, कॉमेंट्रीची सुरूवात करताना त्याने पहिलं वाक्य हे महेंद्रसिंग धोनीचं नाव घेऊनच सुरू केलं.
![]()
पहिल्या सामन्याच्या पहिल्या ओव्हरमध्ये सुरेश रैना कॉमेंट्री बॉक्समध्ये आला. त्यावेळी इरफान पठाणने त्याचं स्वागत केलं. स्वागताचा स्वीकार करून तो विराजमान झाला आणि त्यानंतर पहिल्या वाक्याची सुरूवातच धोनीचं नाव घेऊन केली. तो म्हणाला, "धोनी भाई संघात आहे, पण तो आता कर्णधार नाही. त्यामुळे टॉससाठी धोनी मैदानावर गेला नाही. धोनी भाई संघात असूनही टॉससाठी न दिसणं ही गोष्ट चाहत्यांसाठी खूपच दुर्दैवी आहे. या गोष्टीची सवय होण्यासाठी खूप वेळ लागेल", असं सुरेश रैना म्हणाला. "मी जेव्हा स्टेडियमच्या बाजूने कॉमेंट्री बॉक्सच्या दिशेने यायला लागलो होतो, त्यावेळी एक क्षण मला असं वाटत होतं की गपचूप पिवळ्या रंगाची जर्सी अंगावर चढवावी आणि स्टेडियममध्ये आत जावं", असं थोडंसं भावनिक वक्तव्यही रैनाने केलं.
Web Title: IPL 2022 CSK vs KKR Live Updates Suresh Raina started commentary career first sentence by Taking MS Dhoni name see what he said
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
