IPL 2022, Delhi Capitals vs Kolkata Knight Riders Live Updates : कोलकाता नाईट रायडर्सच्या १४७ धावांच्या लक्ष्याचा पाठलाग करताना दिल्ली कॅपिटल्सची सुरूवात फार चांगली झाली नाही. उमेश यादवने ( Umesh Yadav) दिल्लीला तीन मोठे धक्के दिले. डेव्हिड वॉर्नर ( David Warner) व ललित यादव यांनी दिल्लीचा डाव सावरला, परंतु KKRचा कर्णधार श्रेयस अय्यर याच्या रणनीतीसमोर ते अपयशी ठरले. या सामन्यात रिषभला चिअर करण्यासाठी गर्लफ्रेंड इशा नेगी ( Isha Negi) आली होती. पण, रिषभची विकेट पडल्यानंतर दुसऱ्याच सुंदर तरुणीची चर्चा सोशल मीडियावर रंगली. कोण आहे ती?
प्रत्युत्तरात उमेश यादने पहिल्याच षटकाच्या पहिल्याच चेंडूवर पृथ्वी शॉला बाद केले. उमेशने त्याच्याच गोलंदाजीवर परतीचा सुरेख झेल टिपला. कोरोनावर मात करून मैदानावर उतरलेल्या मिचेल मार्शने २ चौकार खेचून दिल्लीवरील दडपण कमी करण्याचा प्रयत्न केला. मात्र, हर्षित राणाने आयपीएलमधील पहिलीच विकेट घेताना मार्शला ( १३) बाद केले. वॉर्नर व ललित यांची ४९ चेंडूंतील ६५ धावांची भागीदारी उमेश यादवने तोडली. १०व्या षटकात उमेशला पुन्हा गोलंदाजीला बोलावण्याचा डाव यशस्वी ठरला. वॉर्नर २६ चेंडूंत ४२ धावा करून माघारी परतला. त्यानंतर सुनील नरीनने ११व्या षटकात ललितची ( २२) विकेट घेतली.
KKRचा कर्णधार श्रेयस अय्यर याने उमेशला आणखी एक षटक दिले आणि त्याने विश्वास सार्थ ठरवताना दिल्लीचा कर्णधार रिषभला ( २) माघारी पाठवले. उमेशने ४ षटकांत २४ धावांत ३ विकेट्स घेताना दिल्लीचा निम्मा संघ ८४ धावांत तंबूत पाठवला.
कोण आहे ती?पार्थ जिंदाल यांची पत्नी अनुश्री ( Anushree Jasani) यांनी सर्वांचे लक्ष वेधले. DCच्या खेळाडूंना चिअर करणाऱ्या अनुश्री जिंदाल याही सामन्यादरम्यान चर्चेचा विषय ठरल्या होत्या. पार्थ आणि अनुश्री यांनी 2016 मध्ये विवाह केला. त्यांना एक वर्षांची मुलगी आहे. एप्रिल 2019मध्ये त्यांना कन्यारत्न झाला.
पाहा रिषभची विकेट..