IPL 2022 DC vs RR Live Updates : इंडियन प्रीमिअर लीगच्या १५व्या पर्वात शुक्रवारी मोठा राडा झाला. दिल्ली कॅपिटल्स विरुद्ध राजस्थान रॉयल्स यांच्यातल्या सामन्यात रिषभ पंत ( Rishabh Pant) याने अम्पायरच्या निर्णयावर नाराजी व्यक्त केली. दिल्लीच्या ताफ्यातील प्रत्येक जण संतापला होता. सहाय्यक प्रशिक्षक प्रविण आम्रे ( Pravin Amre) यांनी थेट मैदानावर धाव घेताना अम्पायरशी हुज्जत घातली. त्यांना शार्दूल ठाकूरचीही साथ मिळाली. मैदानाबाहेरून हा सर्व राडा सुरू असताना इथे खेळपट्टीवर युझवेंद्र चहल आणि कुलदीप यादव यांच्यातही धक्काबुक्की झाल्याचा व्हिडीओ व्हायरल झाला आहे.
जोस बटलरच्या ११६ धावा, देवदत्त पडिक्कलच्या ५४ आणि संजू सॅमसनच्या नाबाद ४६ धावांच्या जोरावर राजस्थानने २ बाद २२२ धावांचा डोंगर उभा केला. दिल्लीकडून पृथ्वी शॉ ( ३७) , डेव्हिड वॉर्नर ( २८), रिषभ पंत ( ४४) व ललित यादव ( ३७) व रोव्हमन पॉवेल ( ३६) यांनी दमदार खेळ केला. दिल्लीला ८ बाद २०७ धावाच करता आल्या. प्रसिद्ध कृष्णाने तीन, तर आर अश्विनने दोन विकेट्स घेतल्या.
दिल्ली कॅपिटल्सच्या डावातीव २०व्या षटकाच्या तिसऱ्या चेंडूवर हा सर्व प्रकार घडला. २२२ धावांचा पाठलाग करणाऱ्या दिल्लीला अखेरच्या ६ चेंडूंवर ३६ धावा करायच्या होत्या आणि रोव्हमन पॉवेलने २०व्या षटकातील पहिले तीन चेंडू षटकार खेचले. तिसरा चेंडू फुलटॉस होता आणि तो No Ball असल्याचा दावा दिल्लीच्या खेळाडूंनी केली. त्यात कर्णधार रिषभने फलंदाजांना माघारी बोलावले. आम्रे दाद मागण्यासाठी मैदानावर धावले आणि शार्दूलनेही नाराजी व्यक्त केली. बीसीसीआयने या सर्व प्रकरणाची गंभीर दखल घेत कारवाई केली. आता चहल व कुलदीपच्या व्हिडीओवर व्हायरल झाला आहे, परंतु हे सर्व मस्करीत सुरू होते.
पाहा व्हिडीओ..
Web Title: IPL 2022 DC vs RR Live Updates : During No Ball Controversy fight in between Yuzvendra Cahal and Kuldeep Yadav, Video Viral
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
