IPL 2022: आयपीएलच्या लढतीदरम्यान झाली सुंदर तरुणीची एंट्री, सर्वांच्या वळल्या नजरा, कोण होती ती? पाहा...

IPL 2022, Dhanashree verma: आयपीएलमध्ये मंगळवारी राजस्थान रॉयल्स आणि सनरायझर्स हैदराबाद यांच्यात झालेल्या लढतीवेळी मैदानात एका सुंदर तरुणीची एंट्री झाली. तिचे फोटे व्हायरल होताच सोशल मीडियावर एकच चर्चा सुरू झाली.

पुणे - आयपीएलमध्ये मंगळवारी राजस्थान रॉयल्स आणि सनरायझर्स हैदराबाद यांच्यात झालेल्या लढतीवेळी मैदानात एका सुंदर तरुणीची एंट्री झाली. तिचे फोटे व्हायरल होताच सोशल मीडियावर एकच चर्चा सुरू झाली. पिंक टॉप आणि व्हाईट पँटमधील ही महिला सामन्यादरम्यान चर्चेचे केंद्र बनली.

राजस्थान रॉयल्सचा स्टार लेगस्पिनर युझवेंद्र चहलची पत्नी धनश्री वर्मा सामना पाहण्यासाठी आली होती. धनश्री पिंक टॉप आणि व्हाईट पँटमध्ये खूपच सुंदर दिसत होती. सामन्यादरम्यान, युझवेंद्र चहलची पत्नी धनश्री सेल्फी घेताना दिसत होती. धनश्री पती युझवेंद्र चहललला चिअर करण्यासाठी नेहमीच स्टेडियममध्ये येत असते. पेशाने कोरियोग्राफर असलेली धनश्री सोशल मीडियावर खूप लोकप्रिय आहे.

धनश्री वर्मा गुलाबी टॉप आण व्हाईट पँटमध्ये खूप कूल दिसत होती. राजस्थानने आपल्या ऑफिशियल ट्विटर हँडलवर धनश्रीचे फोटो शेअर केले. ज्यामध्ये ती सेल्फी घेताना दिसत आहे. युझवेंद्र चहलनेही पत्नीच्या उपस्थितीत उत्तम कामगिरी करताना सनरायझर्सविरोधात ४ षटकांत २२ धावा खर्च करून ३ बळी टिपले. युझवेंद्र चहलने सलामीवीर अभिषेक शर्मा, अब्दुल समद आमि रोमारियो शेफर्ड यांना माघारी धाडले. चहल जेव्हा एकापाठोपाठ एक विकेट घेत होता. तेव्हा धनश्रीही टाळ्या वाजवून त्याला प्रोत्साहन देत होती.

धनश्री वर्मा सोशल मीडियावर खूप प्रसिद्ध आहे. ती वेळोवेळी आपले फोटो सोशल मीडियावर शेअर करत असते. धनश्रीचा डान्सशी संबंधित एक युट्युब चॅनल आहे. त्याचे तब्बल २५ लाख सब्स्क्रायबर्स आहेत. ती बॉलीवूडच्या गाण्यांना रीक्रिएट करते. तसेच ती हिपहॉपची ट्रेनिंगसुद्धा देते. युझवेंद्र चहल आणि धनश्री वर्मा खूप चर्चित कपल आहे. त्यांनी २०२० च्या डिसेंबर महिन्यात विवाह केला होता.