Who is Rajat Patidar? IPL 2022 Eliminator RCB vs LSG : Unsold रजत पाटीदार ठरला 'Gold'; स्पर्धेत रिप्लेसमेंट खेळाडू म्हणून आला अन् आता पर्मानंट झाला, Video 

IPL 2022 Eliminator Royal Challengers Bangalore vs Lucknow Super Giants : रजत पाटीदारने ( Rajat Patidar) आज लखनौ सुपर जायंट्सच्या गोलंदाजांना कुटून काढले. रॉयल चॅलेंजर्स बंगळुरूचे स्टार फलंदाज अपयशी ठरल्यानंतर रजतने  54 चेंडूंत 12 चौकार व 7 षटकारांच्या मदतीने नाबाद 112 धावांची खेळी करून RCBला दोनशेपार धावसंख्या उभारून दिली. त्याला दिनेश कार्तिकची ( Dinesh Karthik) दमदार साथ मिळाली. या दोघांनी 41 चेंडूंत 92 धावांची नाबाद भागीदारी केली. कार्तिक 23 चेंडूंत 37 धावांवर नाबाद राहिला. आरसीबीने 4 बाद 207 धावा केल्या.

पहिल्याच षटकात फॅफ ड्यू प्लेसिसची विकेट मिळाल्यानंतर लखनौच्या गोलंदाजांनी दबदबा राखायला हवा होता. त्यात त्यांनी विराट कोहली ( 25) व ग्लेन मॅक्सवेल ( 9) या स्टार फलंदाजांनाही लवकर माघारी पाठवले. पण, रजतने त्यांच्या आत्मविश्वासाचा चुराडा केला. सुरुवातीपासूनच आक्रमक फटकेबाजी करून त्याने लखनौला ब‌ॅकफूवर फेकले. त्यात लखनौचा कर्णधार लोकेश राहुलपासून ते अनेक खेळाडूंनी सोपे सोपे झेल टाकून रजत व कार्तिकला जीवदान दिले. क्षेत्ररक्षताही त्रुटी जाणवल्या आणि त्याचा फायदा RCBच्या या युवा फलंदाजाने उचलला. कृणाल पांड्याच्या एका षटकात 20, तर रवी बिश्नोईच्या एका षटकात 26 धावा त्याने चोपल्या.

दुष्मंथा चमिराच्या 4 षटकांत 54 धावा आल्या. कृणाल, आवेश खान व बिश्नोई यांनी प्रत्येकी एक विकेट घेतली खरी, परंतु त्यांनी 11च्या सरासरीने धावाही दिल्या. मोहसिन खानने  4 षटकांत 25 धावा देत 1 विकेट घेतली. रजतने दुसऱ्या विकेटसाठी विराटसह 46 चेंडूंत 66, मॅक्सवेलसह 16, महिपाल लोम्रोरसह 29 आणि कार्तिकसह 41 चेंडूंत 92 धावांची भागीदारी केली. त्याच्या नाबाद शतकी खेळीत 90 धावा या चौकार ( 12) व षटकारांनीच ( 7) आल्या. त्याचे फटके पाहून व्ही व्ही एस लक्ष्मणही इम्प्रेस झाला.

कोण आहे रजत पाटीदार?आयपीएल 2022च्या मेगा ऑक्शनमध्ये रजत पाटीदार अनसोल्ड राहिला होता. मध्यप्रदेशातील बिझनेसमन  कुटूंबात त्याचा जन्म... वयाच्या 8व्या वर्षी त्याने क्रिकेट खेळण्यास सुरुवात केली आणि तेही त्याच्या आजोबांच्या क्रिकेट अकादमीत. गोलंदाज म्हणून त्याने कारकीर्दिला सुरुवात केली. पण 15 वर्षांखालील स्पर्धेनंतर त्याने फलंदाज बनण्याचे ठरवले. प्रथम श्रेणी क्रिकेटमध्ये 40.43च्या सरासरीने 2588 धावा, लिस्ट ए क्रिकेटमध्ये 1397 धावा आणि ट्वेंटी-20त 31च्या सरासरीने 1024 धावा त्याच्या नावावर आहेत. 

आयपीएलच्या मध्यंतराला तो रिप्लेसमेंट खेळाडू म्हणून RCBच्या ताफ्यात दाखल झाला. आज त्याने प्ले ऑफमध्ये आऱसीबीकडून शतक झळकावणाऱ्या पहिल्या खेळाडूचा मान पटकावला. एलिमिनेटरमध्ये शतक करणारा तो पहिलाच खेळाडू आहे आणि अनकॅप्ड खेळाडूची ही सर्वात जलद सेंच्युरी ठरली आहे. 

पाहा व्हिडीओ...