IPL 2022 Lucknow Super Giants vs Kolkata Knight Riders Live Updates : इंडियन प्रीमिअर लीग २०२२मध्ये आज सायंकाळी लखनौ सुपर जायंट्स विरुद्ध कोलकाता नाईट रायडर्स ( LSG vs KKR) यांच्यात लढत होणार आहे. लखनौचा संघ प्ले ऑफच्या उंबरठ्यावर पोहोचला आहे आणि त्यांना उर्वरित चार सामन्यांत एक किंवा दोन विजय पुरेसा आहे. पण, दुसरीकडे कोलकाताच्या संघाला चारही सामने जिंकणे गरजेचे आहे. सलग पाच पराभवानंतर त्यांची गाडी अखेरीस रुळावर आली आहे. त्यामुळे आजच्या लढतीकडे सर्वांचे लक्ष लागले आहे. पण, आजचा हा सामना खऱ्या अर्थाने लक्षवेधी ठरणार आहे तो लखनौ सुपर जायंट्समुळे. Mother's Day च्या निमित्ताने लखनौ सुपर जायंट्सचे खेळाडू आपापल्या आईला अनोखी मानवंदना देणार आहे. आजच्या सामन्यात लखनौचे खेळाडू 'आई'च्या नावाची जर्सी घालून मैदानावर उतरणार आहेत आणि त्यांच्या या कृतीचे आताच सारे कौतुक करत आहेत.
लखनौचा कर्णधार लोकेश राहुल, दीपक हुडा, कृणाल पांड्या, क्विंटन डी कॉर, आयुष बदोनी यांनी उल्लेखनीय कामगिरी करून दाखवली आहे. लोकेशचा फॉर्म पाहता तो ऑरेंज कॅपच्या शर्यतीत आघाडीवर असलेल्या जोस बटलरला कडवी टक्कर देतोय... मार्कस स्टॉयनिस, जेसन होल्डर यांना अपेक्षित कामगिरी करता आलेली नाही, पण त्यांचे योगदान नाकारण्यासारखे नक्की नाही. मोहसिन खान व दुष्मंथा चमिरा हे सप्राईज पॅकेज ठरलेत. रवी बिश्नोईनेही अधुनमधून छाप पाडली आहे. दुसरीकडे, कोलकाताला अद्याप सांघिक कामगिरी करता आलेली नाही. श्रेयस अय्यर व मुख्य प्रशिक्षक ब्रेंडन मॅक्युलम यांच्या वादाच्या चर्चा सुरू आहेत आणि त्याचा फटका संघाला बसतोय.
वेंकटेश अय्यर, वरुण चक्रवर्थी हे अपयशी ठरलेत. नितिश राणाही फेल गेलाय. रिंकू सिंग, आंद्रे रसेल, उमेश यादव हेच संघाचे ओझे वाहताना दिसत आहेत.