Mumbai Indians Memes, IPL 2022 MI vs DC: मुंबई इंडियन्सच्या संघाला पहिल्या सामन्यात दिल्ली कॅपिटल्सने पराभवाचा जबर धक्का दिला. १४व्या षटकापर्यंत मुंबईच्या हातात असलेला सामना तळाच्या अक्षर पटेल ललित यादव जोडीने तोंडचा पळवून नेला. मुंबई इंडियन्स इशान किशनच्या नाबाद ८१ धावांच्या खेळीच्या जोरावर २० षटकात ५ बाद १७७ पर्यंत मजल मारली होती. हे आव्हान दिल्लीच्या संघाने १० चेंडू राखून आणि चार गडी राखून पूर्ण केलं. मुंबई इंडियन्सने २०१३ पासून हंगामातील पहिला सामना कधीही जिंकलेला नाही. त्यामुळेच मुंबईच्या या पराभवानंतर भन्नाट मीम्स व्हायरल झाल्याचं दिसून आलं.
--
--
--
--
--
--
--
दरम्यान, मुंबई इंडियन्सने कर्णधार रोहित शर्मा (४१) आणि सलामीवीर इशान किशन (नाबाद ८१) यांच्या खेळीच्या जोरावर १७७ धावा केल्या. एन तिलक वर्माने ३ चौकार मारत २२ धावांची उपयुक्त केळी केली. १७८ धावांच्या आव्हानाचा पाठलाग करताना १०४ धावांतच दिल्लीचे ६ गडी तंबूत परतले होते आणि १४ षटकांचा खेळ झाला होता. पृथ्वी शॉ (३८) आणि शार्दूल ठाकूर या दोघांनी (२२) छोट्या पण उपयुक्त खेळी केल्या होत्या. १४व्या षटकानंतर अक्षर पटेल आणि ललित यादव जोडीने हल्लाबोल केला. ललित यादवने नाबाद ४८ धावा कुटल्या. तर अक्षर पटेलने नाबाद ३८ धावांची खेळी केली. या दोघांनी अशक्यप्राय वाटणारं लक्ष्य १० चेंडू राखून पार केलं.