Mumbai Indians IPL 2022 MI vs RCB Live Updates : मुंबई इंडियन्सने 'वीरू' चे ऐकले, अनुभवी खेळाडूला खेळवले; दोन परदेशी खेळाडूंसह RCBशी भिडणार

IPL 2022 Mumbai Indians vs Royal Challengers Bangalore Live Updates : रोहित शर्माच्या नेतृत्वाखाली खेळणाऱ्या मुंबईला आतापर्यंत झालेल्या तीनही सामन्यांत हार मानावी लागली आहे.

IPL 2022 Mumbai Indians vs Royal Challengers Bangalore Live Updates : पाचवेळा आयपीएल जेतेपद पटकावणारा मुंबई इंडियन्सचा संघ इंडियन प्रीमिअर लीगच्या १५व्या पर्वात अद्याप पहिल्या विजयाच्या शोधात आहे. रोहित शर्माच्या नेतृत्वाखाली खेळणाऱ्या मुंबईला आतापर्यंत झालेल्या तीनही सामन्यांत हार मानावी लागली आहे. त्यामुळे आजचा रॉयल चॅलेंजर्स बंगळुरूविरुद्धचा सामना त्यांच्यासाठी करो वा मरो असाच आहे. अनुभवी गोलंदाजांची उणीव मुंबईला प्रकर्षाने जाणवत आहे आणि हार्दिक पांड्याचा पर्याय त्यांना शोधता आलेला नाही. त्यामुळे आजच्या लढतीत मुंबईच्या ताफ्यात बदल अपेक्षित होता आणि तो झालाच... मुंबई आणि बंगळुरू यांच्यात आतापर्यंत २९ सामने झाले आणि त्यापैकी १७ मध्ये मुंबईने विजय मिळवला आहे. पण, तटस्थ मैदानावर RCBचे जय पराजयाचे पारडे ६-२ असे वरचढ आहे. या लढतीपूर्वी भारताचा माजी सलामीवीर वीरेंद्र सेहवागने मुंबईला एक बदल सुचवला होता आणि त्याचा सल्ला रोहितने ऐकला. जयदेव उनाडकतला खेळवण्याचा सल्ला वीरूने दिला होता आणि आज जयदेव रमणदीपसह मुंबई इंडियन्सकडून पदार्पण करत आहे. ( Jaydev Unadkat and Ramandeep Singh  to debut.) फॅफ ड्यू प्लेसिसने नाणेफेक जिंकून मुंबई इंडियन्सला प्रथम फलंदाजीचे आमंत्रण दिले आहे. RCBच्या ताफ्यात ग्लेन मॅक्सवेल परतला आहे आणि त्याच्यासाठी शर्फाने रुथरफोर्डला बसवले गेले आहे. ( Glenn Maxwell replaces Sharfane Rutherford.) 

मुंबईचा संघ - इशान किशन,  रोहित शर्मा, सूर्यकुमार यादव, तिलक वर्मा, डेवॉल्ड ब्रेव्हिस, किरॉन पोलार्ड, रमणदीप सिंह, अश्विन मुरुगन, जसप्रीत बुमराह, बसिल थम्पी, जयदेव उनाडकत ( #MumbaiIndians: Ishan Kishan (WK), Rohit Sharma (C), Suryakumar Yadav, Tilak Varma, Dewald Brevis, Kieron Pollard, Ramandeep Singh, Ashwin Murugan, Jasprit Bumrah, Basil Thampi, Jaydev Unadkat) 

रॉयल चॅलेंजर्स बंगळुरू - फॅफ ड्यू प्लेसिस, अनुज रावत, विराट कोहली, ग्लेन मॅक्सवेल, शाहबाज अहमद, दिनेश कार्तिक, डेव्हिड विली, वनिंदू हसरंगा, हर्षल पटेल, आकाश दीप, मोहम्मद सिराज ( #RCB:  Faf du Plessis (c), Anuj Rawat, Virat Kohli, Glenn Maxwell, Shahbaz Ahmed, Dinesh Karthik (wk), David Willey, Wanindu Hasaranga, Harshal Patel, Akash Deep, Mohammed Siraj)