IPL 2022 Mumbai Indians vs Royal Challengers Bangalore Live Updates : रोहित शर्मा व इशान किशन यांच्या दमदार सुरुवातीनंतरही मुंबई इंडियन्सची गाडी घसरली... वनिंदू हसरंगाने दिलेल्या धक्क्याने तर रॉयल चॅलेंजर्स बंगळुरूने आतापासूनच विजयाचा जल्लोष सुरु केला. हर्षल पटेलने महत्त्वाची रोहितची विकेट घेत केलेल्या सेलिब्रेशनची चर्चा रंगली आहे.
मुंबई आणि बंगळुरू यांच्यात आतापर्यंत २९ सामने झाले आणि त्यापैकी १७ मध्ये मुंबईने विजय मिळवला आहे. पण, तटस्थ मैदानावर RCBचे जय पराजयाचे पारडे ६-२ असे वरचढ आहे. जयदेव उनाडकत व रमणदीप सिंग हे आज मुंबई इंडियन्सकडून पदार्पण करत आहे. फॅफ ड्यू प्लेसिसने नाणेफेक जिंकून मुंबई इंडियन्सला प्रथम फलंदाजीचे आमंत्रण दिले आहे. RCBच्या ताफ्यात ग्लेन मॅक्सवेल परतला आहे आणि त्याच्यासाठी शर्फाने रुथरफोर्डला बसवले गेले आहे. मुंबईने आज टायमल मिल्स व डॅनिएल सॅम्स यांच्याजागी जयदेव व रमणदीप यांना संधी दिली आहे.
इशान किशनने आक्रमक सुरुवात केली. इशानच्या १२ धावा असताना रोहितच्या केवळ ४ धावा होत्या, पण चौथ्या षटकात मोहम्मद सिराजला त्याने चोपले आणि १६ धावांवर पोहोचला. मुंबई इंडियन्सकडून ४०० चौकार मारणारा तो पहिलाच फलंदाज ठरला. ( Rohit Sharma becomes first Mumbai Indians player to complete 400 fours.) रोहित व इशान यांनी मुबंईला चांगली सुरुवात करून देताना ६ षटकांत अर्धशतकी धावा फलकावर चढवल्या. पण, ७व्या षटकात हर्षल पटेलने ( Harshal Patel) चतुराईने स्वतःच्याच गोलंदाजीवर रोहितला झेल देण्यास भाग पाडले. रोहित १५ चेंडूंत ४ चौकार व १ षटकारांसह २६ धावांवर माघारी परतला.
रोहितच्या विकेटनंतर मुंबई इंडियन्सच्या डावाला गळती लागली. आकाश दीपने सलामीवीर इशानला ( २६) माघारी पाठवले. वनिंदू हसरंगाने दोन विकेट्स घेताना डेवॉल्ड ब्रेव्हिस व किरॉन पोलार्ड यांना पायचीत पकडले. तिलक वर्मा घाई करण्याच्या नादात रन आऊट झाला आणि बिनबाद ५० वरून मुंबईची धावसंख्या ५ बाद ६२ अशी झाली.
Web Title: IPL 2022 MI vs RCB Live Updates : Mumbai Indians loss 5 wickets in 12 runs, Harshal Patel has dismissed Rohit Sharma, Watch RCB bowler Celebrations, Video
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
