Jos Buttler, IPL 2022 MI vs RR Live: मुंबईच्या मैदानावर राजस्थानच्या रॉयल्सच्या फलंदाजांनी मुंबईकर गोलंदाजांनाच झोडपून काढले. मुंबईचा पहिले गोलंदाजी करण्याचा निर्णय जोस बटलर, संजू सॅमसन आणि शिमरॉन हेटमायर या तिघांनी चुकीचा ठरवला. जोस बटलरने तुफान फटकेबाजीच्या जोरावर झंझावाती शतक ठोकलं. त्याला इतर फलंदाजांची चांगली साथ मिळाली. बटलरने दमदार खेळीसह एक मोठा पराक्रम केला.
मुंबई इंडियन्सने नाणेफेक जिंकून प्रथम गोलंदाजीचा निर्णय घेतला. पहिल्या तीन षटकापर्यंत हा निर्णय योग्य वाटला. यशस्वी जैस्वाल स्वस्तात बाद झाला. पण त्यानंतर जोस बटलरने तुफान फटकेबाजी केली. चौथ्याच षटकात त्याने बेसिल थंपीला २६ धावा झोडल्या. त्यानंतर त्याने फटकेबाजी सुरूच ठेवली. आधी त्याने कर्णधार संजू सॅमसनच्या साथीने आपलं अर्धशतक पूर्ण केलं. सॅमसन बाद झाल्यावरही त्याने आपली फटकेबाजी सुरूच ठेवली आणि शतक ठोकलं. यंदाच्या IPL मध्ये शतक ठोकणारा तो पहिलाच खेळाडू ठरला.
मुंबई इंडियन्सचा संघ : रोहित शर्मा (कर्णधार), इशान किशन (किपर), अनमोलप्रीत सिंग, टिळक वर्मा, किरॉन पोलार्ड, टीम डेव्हिड, डॅनियल सॅम्स, मुरुगन अश्विन, जसप्रीत बुमराह, टायमल मिल्स, बेसिल थम्पी
राजस्थान रॉयल्सचा संघ: जोस बटलर, यशस्वी जैस्वाल, संजू सॅमसन (कर्णधार, किपर), देवदत्त पडिक्कल, शिमरॉन हेटमायर, रियान पराग, रविचंद्रन अश्विन, युझवेंद्र चहल, ट्रेंट बोल्ट, नवदीप सैनी, प्रसीध कृष्णा
Read in English
Web Title: IPL 2022 MI vs RR Live Updates Jos Buttler Fabulous Century against Mumbai Indians in 66 Balls
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
