मुंबई - आयपीएल २०२२ मधील पहिल्या सामन्यात कोलकाता नाईटरायडर्सने बलाढ्य चेन्नई सुपरकिंग्सला पराभवाचा धक्का दिला होता. दरम्यान, या सामन्यासाठी उपस्थितीत लावणारा शाहरुख खानचा मुलगा आर्यन खान सर्वांचे लक्ष वेधून घेत होता. तसेच त्याच्यासोबत असलेली एक सुंदर तरुणी चर्चेचा विषय ठरली होती. वानखेडे स्टेडियमवर झालेल्या या लढतीत आर्यन खानसोबत ही सुंदर तरुणी स्पॉट झाली होती. त्यानंतर आर्यन खानसोबत तिचे फोटो सोशल मीडियावर मोठ्या प्रमाणात व्हायरल होऊन चर्चा सुरू झाली होती. आता ती मिस्ट्री गर्ल कोण आहे, याबाबत जाणून घेण्यासाटी चाहते उत्सुक आहेत.
कोलकाता नाईटरायडर्स संघाचा मालक शाहरुख खान सध्या स्पेनमध्ये आपल्या पठाण या चित्रपटाच्या चित्रिकरणामध्ये गुंतलेला आहे. त्याच्या अनुपस्थितीत त्याचा मुलगा आर्यन खान केकेआरचा उत्साह वाढवण्यासाठी वानखेडे स्टेडियमवर आला होता. आता सोशल मीडियावर आर्यन खानचे फोटो व्हायरल होत आहेत. ज्यामध्ये तो मित्रमैत्रिणींसोबत केकेआरला सपोर्ट करताना दिसत आहे.
या फोटोंमध्ये केकेआरची सहमालक असलेल्या जुही चावलाच्या मुलीचा फोटो दिसलेला नाही. मात्र सोशल मीडियावर व्हायरल होत असलेल्या फोटोंमध्ये एक मिस्ट्री गर्ल जरूर दिसत आहे. आर्यन खानसोबत दिसलेल्या या तरुणीमुळे क्रिकेटप्रेमी कोलकाता नाईटरायडर्स आणि कर्णधार श्रेयस अय्यरबाबत बोलणेही विसरून गेले. तसेच सातत्याने तिच्याबाबत जाणून घेण्यासा उत्सुक दिसत आहेत. या फोटोंमध्य आर्यन खान ब्लॅट टी-शर्टमध्ये दिसत आहे. तर ही मिस्ट्री गर्ल पांढऱ्या क्रॉप टॉपमध्ये दिसत आहे. कोलकाता नाईट रायडर्सचा सलामीचा सामना चेन्नई सुपरकिंग्सशी झाला होता. त्यात कोलकाताने बाजी मारली.