IPL 2022 T20 Match RCB vs PBKS Live Updates : फॅफ ड्यू प्लेसिनने ( Faf du Plessis) रॉयल चॅलेंजर्स बंगळुरूचा कर्णधार म्हणून पहिल्याच सामन्यात धुरळा उडवला. अनुज रावत, विराट कोहली व दिनेश कार्तिक यांनीही दमदार खेळी करताना पंजाब किंग्ससमोर २०६ धावांचे लक्ष्य ठेवले. युवा फलंदाज अनुज रावतला सोबत घेऊन सुरूवातीला त्याने RCBचा मजबूत पाया रचला. त्यानंतर विराट कोहली ( Virat Kohli) सोबत मिळून पंजाब किंग्सच्या ( PBKS) गोलंदाजांना अक्षरशः चोपून काढले. या दोघांनी दुसऱ्या विकेटसाठी ६१ चेंडूंत ११८ धावांची भागीदारी करून RCB ला मोठी धावसंख्या उभारून दिली. पण, चर्चा रंगली Mystery Girlची... विराटच्या खणखणीत षटकारानंतर कॅमेरामननं तिच्याकडे कॅमेरा नेला अन्...
दिनेश कार्तिकने अखेरच्या षटकांत हात धुवून घेतले आणि त्याने विराटसह १७ चेंडूंत नाबाद ३७ धावांची भागीदारी केली. RCB ने २ बाद २०५ धावा केल्या. कार्तिकने १४ चेंडूंत ३२ धावा, तर विराटने २९ चेंडूंत ४१ धावा चोपल्या. अनुज २१ धावांवर राहुल चहरच्या गोलंदाजीवर त्रिफळाचीत झाला. फॅफ व विराट यांनी दुसऱ्या विकेटसाठी ११८ धावांची भागीदारी केली. ७ धावांवर जीवदान मिळालेला फॅफ ५७ चेंडूंत ३ चौकार व ७ षटकारांच्यासह ८८ धावांवर माघारी परतला. दिनेश कार्तिकने दमदार खेळ करताना विराटसह RCB ला २ बाद २०५ धावांचा डोंगर उभा करून दिला. या मैदानावरील ही सर्वोत्तम धावसंख्या ठरली. यापूर्वी २०११मध्ये दिल्लीने ७ बाद १९० धावा केल्या होत्या.
पाहा व्हिडीओ...
Web Title: IPL 2022 RCB vs PBKS Live Score card Updates : Faf Du Plessis 88, Virat Kohli 41*and Dinesh Karthik 32*helped RCB to post 205, but Mystery Girl goes viral Watch Video
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
