IPL 2022 Royal Challengers Bangalore vs Punjab Kings Live Updates : तहान लागल्यावर विहीर खोदायला घेणे, हा प्रकार आजच्या लढतीत पंजाब किंग्सच्या बाबतीत घडताना दिसतोय... प्ले ऑफच्या शर्यतीत कायम राहण्यासाठी धडपणाऱ्या पंजाबचे सलामीवीर आज फुल चार्ज होऊनच मैदानावर उतरले. रॉयल चॅलेंजर्स बंगळुरूने नाणेफेक जिंकून त्यांना प्रथम फलंदाजीचे आव्हान दिले आणि जॉनी बेअरस्टो व शिखर धवन यांनी RCBच्या गोलंदाजांना धु धु धुतले...
रॉयल चॅलेंजर्स बंगळुरू - अव्वल चार संघांच्या शर्यतीत RCBही आघाडीवर आहे. त्यांच्या खात्यात १४ गुण आहेत आणि उर्वरित दोन सामन्यांतील विजय त्यांचे स्थान पक्के करेल. त्यांना एक विजयही पुरेसा आहे, पण पुन्हा गणित इतरांच्या कामगिरीवर अवलंबून राहते.
पंजाब किंग्स - ११ सामन्यांत ५ विजय व १० गुणांसह हा संघ अजूनही शर्यतीत आहे, परंतु त्यांचे चान्सेस फार कमी आहेत. उर्वरित तीन सामने जिंकण्याशिवाय त्यांच्यासमोर दुसरा पर्याय नाही.