IPL 2022 ROYAL CHALLENGERS BANGALORE vs SUNRISERS HYDERABAD Live Updates : सनरायझर्स हैदराबादने इंडियन प्रीमिअर लीग २०२२च्या आजच्या सामन्यात रॉयल चॅलेंजर्स बंगळुरूवर एकतर्फी विजय मिळवला. मार्को येनसेनने ( Marco Jansen) दुसऱ्याच षटकात तीन मोठे धक्के देत RCBचे कंबरडे मोडले. त्यानंतर RCBला डोके वर काढताच आले नाही. टी नटराजन व जगदीसा सुचिथ यांनीही दमदार गोलंदाजी करून RCBचा डाव ६८ धावांत गुंडाळला. आयपीएल इतिहासातील ही चौथी निचांक कामगिरी ठरली. विराट कोहलीच्या ( Virat Kohli) मागे लागलेला भोपळा याही सामन्यात कायम राहिला. SRH ने हे माफक लक्ष्य सहज पार केले.
![]()
मार्को येनसनने दुसऱ्याच षटकात RCBचे ढाबे दणाणून सोडले. त्याने दुसऱ्या चेंडूवर RCBचा कर्णधार फॅफ ड्यू प्लेसिसचा ( ५) त्रिफळा उडवला, त्यानंतर विराटला (०) दुसऱ्या स्लिपमध्ये कॅच देण्यास भाग पाडले. ६व्या चेंडूवर अनुज रावत ( ०) माघारी परतला. ग्लेन मॅक्सवेल आला आणि फटकेबाजी केली, परंतु टी नटराजनने पाचव्या षटकात त्याची विकेट घेतली. सुयश प्रभुदेसाई ( १५) संघर्ष करताना दिसला, परंतु ९व्या षटकात जगदीशाने त्याला माघारी पाठवले. त्याच षटकात जगदीशाने RCBचा स्टार दिनेश कार्तिकला भोपळ्यावर बाद केले. शाहबाद अहमद ( ७) व हर्षल पटेल ( ४) यांना अनुक्रमे उम्रान मलिक व टी नटराजनने बाद केल्याने RCBची अवस्था ८ बाद ५५ अशी झाली. टी नटराजन व भुवनेश्वर कुमारने अखेरच्या दोन विकेट्स घेतल्या आणि RCBचा संघ ६८ धावांत माघारी पाठवला. मार्को येनसेन व टी नटराजन यांनी प्रत्येकी ३, सुचिथने दोन विकेट्स घेतल्या.
![]()
केन विलियम्सन व अभिषेक शर्मा यांनी सहज विजय मिळवून दिला. अभिषेक २८ चेंडूंत ८ चौकार व १ षटकाराच्या मदतीने ४७ धावांवर बाद झाला. त्याने केनसह पहिल्या विकेटसाठी ६४ धावा जोडल्या. राहुल त्रिपाठीने षटकार खेचून हैदराबादचा विजय पक्का केला. हैदराबादने ८ षटकांत १ बाद ७२ धावा करून विजय मिळवला. त्यांनी ९ विकेट्स व ७२ चेंडू राखून हा विजय मिळवला. हैदराबादचा हा सलग पाचवा विजय ठरला आणि त्यांनी गुणतालिकेत थेट दुसऱ्या स्थानी झेप घेतली.
Web Title: IPL 2022 RCB vs SRH Live Updates : Sunrisers Hyderabad chase down 69 runs from just 8 overs against Royal Challengers Bangalore
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
