IPL 2022 Rajasthan Royals vs Royals Challengers Banglore : इंडियन प्रीमिअर लीगच्या १५व्या पर्वात दिनेश कार्तिकने ( Dinesh Karthik) त्याच्या कामगिरीने सर्वांना अचंबित केले आहे. आगामी ट्वेंटी-२० वर्ल्ड कप स्पर्धेसाठी दिनेश कार्तिकचा विचार केला जावा, अशी मागणी माजी क्रिकेटपटूंकडून केली जात आहे. त्याच्या याच कामगिरीची आयपीएल २०२२मध्ये प्रतिस्पर्धींनी धास्ती घेतलेली दिसत आहे. कोलकाता नाईट रायडर्सचा माजी कर्णधार फॅफ ड्यू प्लेसिसच्या नेतृत्वाखाली यंदाच्या आयपीएलमध्ये रॉयल चॅलेंजर्स बंगळुरूकडून ( RCB) दमदार कामगिरी करतोय. त्यामुळेच आजच्या सामन्यात RCBचा सामना करण्यापूर्वी राजस्थान रॉयल्सने ( RR ) कार्तिकची दिशाभूल करण्याचा प्रयत्न केला आहे. RRचं ट्विट चांगलंच व्हायरल झाले आहे.
कार्तिकने आतापर्यंत १०५च्या सरासरीने आणि २१०च्या स्ट्राईक रेटने २१० धावा केल्या आहेत. RR विरुद्धच्या सामन्यात कार्तिककडून खूप अपेक्षा आहेत. या सामन्याच्या माध्यमातून युजवेंद्र चहल आणि देवदत्त पडिक्कल हे RCBचे माजी खेळाडू त्यांच्याचविरुद्ध चमक दाखवण्यासाठी सज्ज झाले आहेत. राजस्थानने ट्विट करून कार्तिकला रोखण्याचा प्रयत्न केला आहे. मुंबई-पुणे मार्गावर प्रचंड वाहतुक कोंडी झालीय, त्यासाठी राजस्थानने कार्तिकसाठी पर्यायी, पण खूपच लांबचा रस्ता सुचवला आहे.
Web Title: IPL 2022 RR vs RCB : Rajasthan Royals' funny strategy to stop dangerous Royal Challengers Banglore's Dinesh Karthik, See Tweet
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
