Kane Williamson Unlucky, IPL 2022 SRH vs RR: सनरायजर्स हैदराबाद विरूद्धच्या सलामीच्या सामन्यात राजस्थान रॉयल्स ६१ धावांनी विजयी झाला. संजू सॅमसनने कर्णधारापदाला साजेसं अर्धशतक झळकावलं. तसेच प्रसिध कृष्णा, युजवेंद्र चहल यांनी राजस्थानकडून दमदार गोलंदाजी करत संघाला विजय सुनिश्चित केला. संजू सॅमसनने 'कॅप्टन इनिंग्स' खेळली पण केन विल्यमसन मात्र याबाबतीत कमनशीबी ठरला.
सर्वप्रथम नाणेफेक जिंकल्यावर त्याने गोलंदाजीचा निर्णय घेतला पण गोलंदाजांनी त्याला अपेक्षित साथ दिली नाही. त्यामुळे प्रतिस्पर्धी राजस्थानने २० षटकात द्विशतक ठोकलं. त्यानंतर मोठ्या आव्हानाचा पाठलाग करताना डावाच्या दुसऱ्याच षटकात विल्यमसन झेलबाद झाला. त्याच्या कॅचवरून बराच गोंधळ आणि वाद पाहायला मिळाला पण पंचांनी मात्र त्याला बाद ठरवलं. त्यानंतर त्याचा SRH संघ सामनाही हारला. हे सारं कमी की काय म्हणून सामन्यानंतर त्याला आणखी एक धक्का बसला. सामन्यात षटकांची गती कमी राखल्यामुळे त्याला तब्बल १२ लाखांचा दंड IPL व्यवस्थापनाकडून ठोठवण्यात आला.
सामन्याबाबत बोलायचं झाल्यास सॅमसनचे अर्धशतक आणि देवदत्त पडीकल (४१), जोस बटलर (३५) आणि शिमरॉन हेटमायर (३२) यांच्या दमदार खेळीच्या जोरावर राजस्थानने द्विशतकी मजल मारली. २११ धावांचा पाठलाग करताना हैदराबादचा कर्णधार केन विल्यमसन अतिशय स्वस्तात बाद झाला. तो धक्का फारच मोठा होता. एकेवेळी SRHची अवस्था १० षटकांत ३७ धावांत ५ अशी होती. त्यानंतर एडन मार्क्रम (नाबाद ५७) आणि वॉशिंग्टन सुंदर (१४ चेंडूत ४०) यांनी थोडीफार फटकेबाजी करत संघाला कसेबसे १४९ धावांपर्यंतच मजल मारून दिली. पण हैदराबादचा ६१ धावांनी पराभव झाला.
Web Title: IPL 2022 SRH vs RR Double Blow for Unlucky Kane Williamson as he Fined 12 Lakh Rupees For Maintaining Slow Over Rate after SRH losing the match vs Rajasthan Royals
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
