IPL 2022 T20 Match RCB vs KKR Live Score card: रॉयल चॅलेंजर्स बंगळुरूच्या गोलंदाजांनी सुरुवातीची काही षटकं सुरेख टाकताना कोलकाता नाईट रायडर्सच्या धावगतीवर लगाम लावला आहे. डेव्हिड विली एका बाजूने भन्नाट मारा करताना वेंकटेश अय्यर व अजिंक्य रहाणे यांना मुक्तपणे खेळू देत नाही. दुसरीकडे मोहम्मद सिराज टिच्चून मारा करताना पहिल्याच षटकात KKRच्या गोटात तणावाचे वातावरण निर्माण केले होते. त्याच्या षटकाच्या तिसऱ्या चेंडूवर असं काही घडलं ते पाहून स्लिपमध्ये उभ्या असलेल्या विराटने डोक्यावर हात ठेवला.
पहिला सामना गमावल्यानंतर इंडियन प्रीमिअर लीगच्या 15व्या पर्वात मुसंडी मारण्यासाठी रॉयल चॅलेंजर्स बंगळुरू ( Royal Challengers Bangalore) उत्सुक आहे. आज त्यांच्यासमोर तगड्या कोलकाता नाईट रायडर्सचे ( Kolkata Knight Riders) आव्हान असणार आहे. KKRने सलामीच्या लढतीत गतविजेत्या चेन्नई सुपर किंग्सचा पराभव केला आहे. नाणेफेकीचा कौल RCBचा कर्णधार फॅफ ड्यू प्लेसिसने जिंकला असून त्यांनी प्रथम गोलंदाजी करण्याचा निर्णय घेतला आहे. RCB ने आजच्या सामन्यात एकही बदल केलेला नाही, तर KKRने शिवम मावीच्या जागी टीम साऊदीला पदार्पणाची कॅप दिली आहे.
अजिंक्य रहाणे व वेंकटेश यांनी सावध सुरुवात केली. दुसऱ्या षटकाच्या पहिल्या चेंडूवर वेंकटेशने पॉईंटच्या दिशेने सुरेख चौकार खेचला, त्यानंतर सिराजने कमबॅक केले. तिसऱ्या चेंडूवर वेंकटेश फटका मारण्यापासून चुकला अन् चेंडू बॅट व पॅडला लागून स्टम्पच्या दिशेने जाताना दिसला. तो अडवण्यासाठी वेंकटेश बॅटने प्रयत्न करताना दिसला आणि चेंडू स्टम्पच्या अगदी जवळून गेलेला पाहून विराटनेही आश्चर्य व्यक्त केले.