IPL 2022 T20 Match SRH vs RR Live Score card: सनरायझर्स हैदराबादने नाणेफेक जिंकून प्रथम गोलंदाजी करण्याचा घेतलेला निर्णय पहिल्याच षटकात यशस्वी ठरताना दिसला. भुवनेश्वर कुमारने स्वींग मिळणाऱ्या खेळपट्टीवर राजस्थान रॉयल्सच्या जोस बटलरला चांगलेच सतावले. पाचव्या चेंडूवर बटलरचा झेल स्लीपमध्ये उभ्या असलेल्या अब्दुल समदने टिपला आणि हैदराबादच्या खेळाडूंनी एकच जल्लोष केला. पण, काही सेकंदातच अम्पायरने हा निर्णय बदलला आणि भुवनेश्वर कुमारचा ( Bhuvneshwar Kumar) चेहरा पडला.
राजस्थान रॉयल्स ( Rajasthan Royals) आणि सनरायझर्स हैदराबाद ( Sunrisers Hyderabad) हे इंडियन प्रीमिअर लीगच्या १५व्या पर्वातील पहिला सामना खेळण्यासाठी मैदानावर उतरले आहेत. सनरायझर्स हैदराबादचा कर्णधार केन विलियम्सन याने नाणेफेक जिंकून प्रथम गोलंदाजी करण्याचा निर्णय घेतला. पण, RR चा कर्णधार संजू सॅमसन ( Sanju Samson) याने पुण्याच्या मैदानावर विक्रम रचला. राजस्थान रॉयल्स जोस बटलर, शिमरोन हेटमायर, नॅथन कोल्टर-नायल आणि ट्रेंट बोल्ट या चार परदेशी खेळाडूंसह मैदानावर उतरणार आहेत. संजूचा हा राजस्थानकडूनचा १००वा आयपीएल सामना आहे आणि अजिंक्य रहाणेनंतर ( १०६) RR कडून इतके सामने खेळणारा संजू हा दुसराच खेळाडू ठरला आहे.
भुवीने टाकलेला चेंडू आऊट स्वींग झाला अन् तो मारण्याच्या प्रयत्नात बटलरच्या बॅटची कड त्याला लागली. स्लीपमध्ये समदने सुरेख झेल घेतला अन् एकच जल्लोष झाला. पण, तिसऱ्या अम्पायरने भुवीने नो बॉल टाकल्याचे सांगितले आणि SRHचे खेळाडू निराश झाले.