Sheldon Jackson Catch, IPL 2022 KKR vs RCB Video: कोलकाता नाईट रायडर्स विरूद्धच्या सामन्यात रॉयल चॅलेंजर्स बंगलोर संघाने चुरशीच्या लढतीत विजय मिळवला. शेवटच्या षटकात ७ धावांची गरज असताना कार्तिकने एक चौकार आणि एक षटकार खेचत संघाला विजय मिळवून दिला. या विजयासह RCBचं गुणतालिकेत खातं उघडलं. KKR ला मात्र पहिल्या सामन्यातील विजयी लय या सामन्यात कायम राखता आली नाही. सामन्यात नवखा खेळाडू असलेल्या शेल्डन जॅक्सनने टिपलेल्या कॅचची चांगलीच चर्चा रंगली.
KKR चा संघ १२८ धावांवर बाद झाला. त्यानंतर १२९ धावांच्या माफक आव्हानाचा पाठलाग करताना RCB चा डावही काहीसा गडगडला. अपेक्षित धावगती राखता न आल्याने सामना अतिशय अटीतटीचा होत होता. त्यावेळीच टीम साऊदीने खेळपट्टीवर सेट झालेल्या शेरफाने रूदरफर्डला बाद केलं. ३९ चेंडूत २८ धावांवर खेळत असलेल्या रुदरफर्डने शॉट खेळला, पण चेंडू बॅटला लागून मागे गेला. चेंडू वेगाने जात असतानाच किपर शेल्डन जॅक्सनने हवेत झेप घेत चपळाईने तो झेल टिपला. पाहा व्हिडीओ-
रूदरफर्ड बाद झाल्यावर सामना फिरतो की काय असं वाटत होतं. त्यानुसार सामना अतिशय रंगतदार झाला. रूदरफर्ड बाद झाल्यानंतर शाहबाज अहमदने तीन षटकारांसह २० चेंडूत २७ धावांची उपयुक्त खेळी केली. त्यामुळे कमी धावसंख्येचा पाठलाग करत असताना सामना शेवटच्या षटकापर्यंत गेला. अखेर शेवटच्या षटकात पहिल्या चेंडूवर षटकार आणि दुसऱ्या चेंडूवर चौकार खेचत दिेनेश कार्तिकने बंगळुरूच्या गळ्यात विजयाची माळ घातली.
Web Title: IPL 2022 T20 RCB vs KKR Wicket Keeper Sheldon Jackson takes superb catch in the air everyone gets amazed watch video
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
