इंडियन प्रीमिअर लीग २०२२मध्ये विराट कोहली, महेंद्रसिंग धोनी आणि रोहित शर्मा हे तीन मोठे स्टार अपयशी ठरले. ५ जेतेपदं नावावर असलेला मुंबई इंडियन्स आणि ४ जेतेपद पटकावणारा चेन्नई सुपर किंग्स यांना गुणतालिकेत अखेरच्या दोन क्रमांकावर समाधान मानावे लागले. रॉयल चॅलेंजर्स बंगळुरूने MI च्या कृपेने प्ले ऑफमध्ये प्रवेश केला, परंतु क्वालिफायर २ मध्ये त्यांना गाशा गुंडाळावा लागला. विराट, रोहित व धोनी यांच्या कामगिरीचा फटका त्यांच्या संघाला बसलेला पाहायला मिळाला. आयपीएल २०२२ मध्ये या खेळाडूंना मिळालेल्या रकमेचे मोल फेडता आले नाही. त्या उलट युवा खेळाडूंनी मिळालेल्या किमतीपेक्षा अधिक दिले.
आयपीएल २०२२ मधील Most valuable players, त्यांची मुळ किंमत आणि प्रती रुपयाला मिळालेले गुण
| क्रमांक | खेळाडू | संघ | मुळ किंमत | गुण |
| १ | जितेश शर्मा | पंजाब किंग्स | २० लाख | २४१.८ |
| २ | मोहसिन खान | लखनौ सुपर जायंट्स | २१ लाख | २३४.२ |
| ३ | रजत पाटीदार | रॉयल चॅलेंजर्स बंगळुरू | २२ लाख | २०८.४ |
| ४ | मुकेश चौधरी | चेन्नई सुपर किंग्स | २३ लाख | १९८.८ |
| ५ | आयुष बदोनी | लखनौ सुपर जायंट्स | २४ लाख | १५४.३ |
| ६ | जे सुचिथ | सनरायझर्स हैदराबाद | २५ लाख | १०६.८ |
| ७ | रमणदीप सिंग | मुंबई इंडियन्स | २६ लाख | १०४.८ |
| ८ | कुलदीप सेन | राजस्थान रॉयल्स | २७ लाख | १०३.५ |
| ९ | बी साई सुदर्शन | गुजरात टायटन्स | २८ लाख | ७३.३ |
| १० | कुमार कार्तिकेय | मुंबई इंडियन्स | २९ लाख | ६७.५ |
| १५७ | विराट कोहली | रॉयल चॅलेंजर्स बंगळुरू | १५ कोटी | २.६ |
| १६१ | महेंद्रसिंग धोनी | चेन्नई सुपर किंग्स | १२ कोटी | २.५ |
| १७८ | रोहित शर्मा | मुंबई इंडियन्स | १६ कोटी | १.० |
या डाटा नुसार रोहित शर्माला १६ कोटी देऊन मुंबई इंडियन्सने प्रती रुपयामागे १ गुण कमावला. धोनी व कोहली यांनी अनुक्रमे २.५ व २.६ गुण कमावले.