Lucknow Super Giants is the name of the Lucknow franchise : इंडियन प्रीमिअर लीग 2022 मध्ये नव्याने सहभागी झालेल्या लखनौ फ्रँचायझीनं सोमवारी टीमचं नाव जाहीर केलं. लोकेश राहुलच्या ( KL Rahul) नेतृत्वाखाली खेळणाऱ्या या टीमचं नाव लखनौ सुपर जायंट्स असे असणार आहे. RP Sanjiv Goenka यांनी सर्वाधिक ७०९० कोटींत लखनौ फ्रँचायझी खरेदी केली. IPL 2022च्या पर्वाला सुरुवात होण्यापूर्वी त्यांनी लोकेश राहुल ( १७ कोटी), मार्कस स्टॉयनिस ( ९.२ कोटी) आणि रवी बिश्नोई ( ४ कोटी) यांना करारबद्ध करून आयपीएल मेगा लिलावासाठी (IPL 2022 Mega Auction) लखनऊ संघाने ६० कोटींची रक्कम वाचवली.
१२ व १३ फेब्रुवारीला होणाऱ्या मेगा ऑक्शनसाठी १२१४ खेळाडूंनी नावं नोंदवली आहेत. त्यात ८९६ भारतीय आणि ३१८ परदेशी खेळाडूंची नावं आहेत. यापैकी २१७ जणांनाच लॉटरी लागणार आहे. यंदाच्या पर्वात १० संघ खेळणार असल्यानं एकूण सामन्यांची संख्या ७४ होणार आहे. अद्याप आयपीएलच्या वेळापत्रकाची घोषणा झालेली नाही. भारतातील कोरोना परिस्थितीचा आढावा घेऊन निर्णय घेतला जाईल.