mitchell marsh wedding । नवी दिल्ली : आयपीएलच्या १६व्या हंगामात (IPL 2023) दिल्ली कॅपिटल्सच्या संघाची सुरूवात निराशाजनक झाली. डेव्हिड वॉर्नरच्या नेतृत्वातील दिल्लीला आपल्या सुरूवातीच्या दोन्ही सामन्यांमध्ये पराभवाचा सामना करावा लागला. दिल्लीला या हंगामातील आपल्या सलामीच्या सामन्यात लखनौ सुपर जायंट्सकडून पराभव स्वीकारावा लागला. तर दुसऱ्या सामन्यात गतविजेत्या गुजरात टायटन्सने दिल्लीचा दारूण पराभव केला. अशातच दिल्लीच्या संघाला आणखी एक धक्का बसला आहे.
दरम्यान, दिल्ली कॅपिटल्सच्या संघाचा अष्टपैलू खेळाडू मिचेल मार्श वैयक्तिक कारणामुळे मायदेशात ऑस्ट्रेलियाला जाणार आहे. क्रिकबजने दिलेल्या वृत्तानुसार, मिचेल मार्श त्याच्या लग्नामुळे एक आठवड्यासाठी मायदेशात अर्थात ऑस्ट्रेलियाला परतणार आहे. त्यामुळे किमान एक आठवडा मार्श आयपीएलमधून बाहेर असेल. खरं तर पहिल्या दोन सामन्यात मार्श पूर्णपणे अपयशी ठरला. लखनौविरूद्ध तो पहिल्याच चेंडूत तंबूत परतला तर गुजरातविरूद्ध त्याला केवळ ४ धावा करता आल्या. दिल्ली कॅपिटल्सचा या हंगामातील तिसरा सामना उद्या राजस्थान रॉयल्ससोबत होणार आहे.
२०२३ IPL साठी दिल्ली कॅपिटल्सचा संघ -डेव्हिड वॉर्नर (कर्णधार), पृथ्वी शॉ, मिचेल मार्श, सरफराज खान, अमन हाकिम खान, अभिषेक पोरेल (यष्टीरक्षक), अक्षर पटेल, खलील अहमद, कुलदीप यादव, रोवमॅन पॉवेल, रिली रोसौ, अॅनरिक नॉर्तजे, मुस्ताफिजुर रहमान, चेतन सकारिया, मुकेश कुमार, फिल साल्ट, लुंगी एनगीडी, प्रवीण दुबे, ललित यादव, रिपल पटेल, विक्की ओस्तवाल, इशांत शर्मा, मनी। पांडे, कमलेश नागरकोटी, यश धुल.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"